شات صوتي
شات قلبي
منتدى تعب قلبي
شات صوتي
شات بنت ابوي
صيف كام
شات صيف كام
المواطنين هم الفقراء في الامارات.
Close
تسجيل الدخول الي حسابك


صفحة 1 من 2 12 الأخيرةالأخيرة
النتائج 1 إلى 10 من 19
خبير

تاريخ التسجيل
May 2004
المشاركات
2,363
معدل تقييم المستوى
30


افتراضي المواطنين هم الفقراء في الامارات.


[align=center]استغلال المواطن

المواطنين مستهدفين من الجاليات المقيمه في الدوله,والبعض ينظر الينا بحقد وكراهيه.الي يقول ماكلين عيشهم.:ya: :ya: :ban:

لان اطيل عليكم بالامس كان يوم عائلي وانا اتجوله مع الاهل في دبي قررنا الذهاب الي احد المطاعم المشهور في فندق تاج بالاس في شارع الرقه,وهو من افضل الفنادق العائليه.

وكان الخيار علي مطعم هندي واسم المطعم (هندي).

ودخلنا المطعم وانا ميت من اليوع.:bli: .والجماعه ماقصرو شافوني غتره وعقال قال هذا هو :head:

وبعد عناء حصلنا طاوله بسبب الزحمه طبعآ نحنا الاقليه ف المطعم 1% وكانت هناك طاولتان لعائله مواطنه.وجلسنا علي طاوله قريبه من الفرن (وما احلاه من طبخ) .

وبدء النصب.وهي طريقه يتقنها الزلمات.فتح الماء لو انته ماطلبت فقط لزيادة الحساب.بعد نوع الماء (افيان)


المهم سكتنا بدون اي حركه ولا كلام.وعطانا المنيو :sha: وفتحنا المنيو ندور علي الوجبه المفضله"برياني" ولفت انتباهي المشروبات البارده. شفت سعر الماء 28 درهم لحجم الكبير 1,5 .الي فتحه الجرسون.

قلنا ماعليه سعرها فيها ولاننا في فندق 5 نجوم من حقهم.

ولاكن الي لفت انتباهي اكثر وانا اسويsearch علي الطاولات القريبه وكلها هنود (مامي دادي).
بأن كل الماء الموجود ومن نفس الحجم ,ولاكن شركة الامارات للمياه المعدنيه.

فرديت اسوي بحث اكثر وشفت المواطنين الي في المطعم نفس نوع المياه الي عندي(افيان).ونفس الحجم.

والهنود العكس.مياه الامارات.

ورديت فتحت المنيو وشفت سعر مياه الامارات 12 درهم اما (افيان) 28 درهم.:nc:

وفي هذه الحظه :madi: ما قدرت اتمالك اعصابي يعني الهنود يشربون الارخص ونحنا الاغلى وهو نفس المياه .شو بطنهم كرولا ونحنا بنتلي :sad1:

وانا مقهور اشرت بصبوعي للجرسون .

المقص :وصل قلت ليش فتحت الماء وليش احد طلب .

الجرسون: قال لا.

المقص:وليش نحنا افيان والبقيه "الهنود" الامارات.

الجرسون : انته ارباب كبير.

المقص : :Wa: :Wa: :Wa: :Wa:

المقص : موتر اقصاد + الارض بعدها خاليه الحكومه ماعطتني القرض+ ودين الزواج+راتب كل الخدم وامور البيت= لاشي قبل تاريخ 15 من الشهر :nc:

المقص: المهم شيل الماء نحنا مانشرب ماء

الجرسون:اوكي.

وشوييه وعفد الجرسون الكبير"مدير المطعم".

مدير المطعم:مافي مشكله ارباب خلي class بلاش وشل الماء في الغرشه.

المقص: اتحسب بعد هي :wee:

الجرسون: وصل وحط الطلب وسار بدون مايقول شو تبغون زياده.

جميع عمال المطعم.: بنظرات حاقده.:madi:

المقص: اكل وانا اخيس فراش الطاوله بالاجار بس عناد فيهم:ya:

++++++++++++++++


ومن هنا عرفت ان الطيبه معاهم ماتأدي الي استغلال المواطن.

ومن جي نقول الراتب مايأكل عيش وهم الهنود عائله من 6 اشخاص وراتب الام 2000 والاب 2500 وعايشين احلي عيش يلفون الامارات كلها ويدخولن كل السناتر بدون مايشترون شي والله عيشه.ونحنا مانعين عنا الزيادة في الرتب اذا اتاك مولد جديد وكانها الحكومه ماتبيغا نيب عيال,.:123:
[/align]



  • #2
    خبير

    تاريخ التسجيل
    Oct 2003
    المشاركات
    1,345
    معدل تقييم المستوى
    29


    افتراضي

    السلام عليكم ورحمة الله وبركاته



    تقبل الله طاعتك إن شاء الله وكل عام وانت بخير ....


    هذا هو الصح اخوي المقص ...... والعيب مب في الجماعة العيب فينا نحن المواطنين .... نتعامل بمبدأ الثقة وما ناخذ ونعطي معاهم ابداً في كل شيء .....

    وهم حطوا في بالهم إن المواطنين ما يسألون وتمشي عليهم هاي السوالف .... وهذا مب غش بقدر ما هو ذكاء منهم ... وقلة حيلة منا نحن المواطنين ....

    عن نفسي ما استحي من هاي السوالف في اي مكان اكون ادقق في كل شيء... يعني لو كنت في الكوفي ودفعت الحساب وما رجع لي الباقي يعني درهمين وحتى لو 50 فلس اطالب فيه ... لأن هذا حقي وبعدين انا اعطي بخشيش مب هو على كيفه يعتبر الخرده بخشيش ...

    مره كنت في مطعم كان باقي من الحساب تقريبا 13 درهم ... ربيعي دفع وقال توكلنا قلت له والباجي قال فضيحة اتيلس اتريا عشان 13 قلت له انت روح وانا بتريا.....

    يعني الموضوع وما فيه إننا نحن نعطيهم المجال إنهم يسوون فينا جذا .....

  • #3
    موقــوف
    تاريخ التسجيل
    Sep 2006
    المشاركات
    5,565
    معدل تقييم المستوى
    0


    افتراضي

    محد مرغدنهم الا نحنا
    انا واحد شافني في السوق هندي طبعا قالي انته راتبك عشره الاف ويشوفني بنفس خايسه
    انا ما اخلي لحد منهم حتى 25فلس واقول نفس ما حسبوا علي 25فلس انا باخذ حقي وهو الباقي
    مره طلعت اسير اخلص اموري طبعا كان عندي شعل في كم دائره حكوميه
    1سرت المستشفى اطلع شهاده ولاده لمولودي الجديد طبعا تعال وادفع على كم كاونتر رسوم
    2 الهجره والجوازات تجديد جواز اخوي واصدار جواز لمولودي الجديد طبعا تعال وادفع الرسوم
    3سرت اامن السياره تعال وادفع من غير الباركن
    4سرت افتح صندوق بريد تعال وادفع
    5الفطور طبعا تعال وادفع دبل عن الباقين الي في المطعم لانك لابس غتره وعقال
    6 بشتري اغراض للولد الضغير الخصم درهمين الى خمس دراهم بالكثير وانا تعال وادفع
    7طبعا بترول السياره تعال وادفع والهندي اكيد يتريا بغشيش طبعا ولا فلس شافه مني
    من المسؤول عن الحاله الي وصلنا لها الكل يبتزنا ويشوفنا بعين الطمع مع البغض
    وهذا كله في يوم واحد

  • #4
    خبير

    تاريخ التسجيل
    May 2004
    المشاركات
    2,363
    معدل تقييم المستوى
    30


    افتراضي

    [align=center]شكر آ علي المرور.

    بوخليفة , نصراوي777

    نعم اصبحنا الفقراء.

    واليكم بعض الامثله والاستغال من الهنود الي نقول عنهم فقراء وهو نصابين بطريقتهم .


    يعني بوخليفه قال يعرف كيف يعامل هذه الاشكال.

    زين ياخويه. انته كل شهر لايقل عن مرتين تذهب صالون الحلاقه.

    كمثال:

    حلاقة المواطن
    الحيه 3 مرات في الشهر والشعر مره..
    اللحيه:15 + 15 + 15 + الشعر 20=65 درهم ومن غير البخشيش.

    الهندي:
    اللحيه:5+5+5 الشعر 7 =22 درهم ويمكن يوم ببلاش بسبب سوالف البلاد.

    وشوف كيف هم متفوقين علينا يابوخليفه.


    نصراوي777

    بتتكلم عن السياره 80% من الاجانب البترول ببلاش علي الشركه او المؤسسه.

    ويتكسون بالسياره ويكون مدخولهم اكثر من 300 درهم في يومين.

    في الشهر 30 يوم وكل يوم مدخول العبريه.300 = 9000 ألف درهم يعني طلع اقساط الموتر.

    اذا كان الموتر له.

    يعني نحنا فقراء وهم العز.[/align]

  • #5
    الدعم الفني
    Frozen

    تاريخ التسجيل
    Jan 2004
    الدولة
    UAE
    العمر
    40
    المشاركات
    4,537
    معدل تقييم المستوى
    2


    افتراضي

    السلام عليكم ,,

    حبيت اضيف على الكلام فوق بأن المدارس الخاصة تسوي اقساط جدا مريحه للوافدين اما نحن المواطنيين لازم تدفع كاش واذا رحموك قالولك ادفع على قسطين والا شل عيالك برع تلقى الجماعه عيالهم كلهم في مدارس خاصة حتى مراحل متقدمه مع ان رواتبهم اقل بكثير ! انا سألت واستفسرت عن هالموضوع وقالوا لي انت مواطن وهذيله مساكين ما عندهم !!

    الصراحه تعجبت من هالشي وحتى الحلاق يحلق للهندي والا الباكستاني بنص السعر وانت المواطن اذا فرك الحلاق ويهك بكم كريم زاد عليك السعر !

    انا من النوع الي ما اعطي بخشيش على شو هم ماكلينا أكل وياخذون بخشيش بعد !!!

    وطبعا الاستغلال في الاسواق حدث ولاحرج انت المواطن لك سعر خاص والجماعه اسعارهم غير !!!!

    واخيرا المتنعم والمرتاح هو الطرف الاخر اللهم لاحسد ولكن الحق لازم ينقال ,,

    تحياتي

  • #6
    عضو شرف
    تاريخ التسجيل
    Oct 2003
    المشاركات
    8,215
    معدل تقييم المستوى
    43


    افتراضي

    كله صوب واللي استوى لي صوب

    مره كان معاي في السياره زميل مصري

    قال لي : ابا اشتري كركديه من المطحنه الهندية

    وقفت السياره , وقلت له بانتظرك في السياره

    نزل الزميل المصري , واشتري كيلو ( كركديه ) !

    يوم ركب السياره سألته بكم اشتريت الكيلو ؟

    قال لي : بـ 11 درهم !

    قلت له خلني انزل واجرب حظي كمواطن لابس غتره وعقال !

    يوم نزلت قلت حق الهندي عطني كيلو كركديه .

    يوم جهز الكيلو سألته بكم ؟

    قال لي : 18 درهم .

    قلت له وايد غالي , نزل السعر شوي !

    قال لي : آخر كلام 17 درهم !

    قلت له : عطني اياه بـ 11 درهم .

    قال لي : لأ .. انا في خساره واجد .

    قلت له : خلاص ما بشتري !

    قال لي : ما في مشكله !!!

    قلت له يا رفيق حرام عليك تبيع بذمتين , توك بايع الكيلو بـ 11 درهم للمصري !

    قال لي : لأ .. انا ما ابيع بهذا السعر !!

    نزل المصري : وقال له حرام عليك تكذب , انا مشتري عنك قبل دقيقتين بـ 11 درهم بس !!

    عصب الهندي وقال : اذا تبغي تشتري اشتري , ما تبغي تشتري اطلع برع !!

    صراحه حسيت نفسي تهزأت !

    قمت وفريت كيس الكركديه في ويهه !!

    وخمست بالسياره عند الدكان !!

    بس بصراحه يوم شفت الهندي يمسح عن ويهه الكركديه

    وغبار الرمل مسوي يوله عند الدكان

    حسيت براحه نفسيه منقطعة النظير !!

    نحن طيبين ومحترمين , لكن ما نرضى بالاستغلال

    وصدق راع المثل اللي قال ( اتق شر من احسنت اليه ) !!

  • #7
    موقــوف
    تاريخ التسجيل
    Sep 2006
    المشاركات
    5,565
    معدل تقييم المستوى
    0


    افتراضي

    يا اخواني
    بخبركم بشي انتوا غافلين عنه
    انا اختي تشتغل في البنك وبحكم عملها تشوف الرواتب مال الموظفين وطريقه الزياده والمكافآت
    تقول
    اول ما ايي الهندي البلاد يكون راتبه في حدود2500 او3000 على حسب مؤهلاته
    وطبعا بعد سنه يعطونه بروموشن دبل راتب مع طبعا الامتيازات الاخرى مثل المواصلات والسكن و
    البعض بطاقات الهاتف واذا اراد سياره ايجار كل ما عليه انه يحضر الفاتوره ويتم الدفع عنه
    وطبعا دفع البترول عن طريقهم باعطاءه علاوه لللبترول وبطاقات الخصم
    ولا اكذب عليكم عندما اقول انه راتبه يصل حدود 9000 او 10000 درهم مع هذه الامتيازات
    انتهى

    واما مآراه في مقر عملي
    والله يا اخوان انه العامل الي يشتغل في الزراعه يأتي ويعبئ هاتفه النقال يوميا وافراد الشركات
    كذلك الشركه يوميا تعطيهم 30 الى 50 درهم والبعض100 لوضع رصيد في الهاتف

    سألت امراه هنديه تعمل في شركه سيمونس اول ما عملت في البلاد الراتب طبعا 2500
    والآن والله يا اخوان انه راتبها يفوق 6000درهم والسياره التي عندها مال الاجار الشركه تدفع
    من غير الامتيازات التي تسيل اللعاب
    والان وظفت اختها في نفس الشركه وتستلم راتب مقداره2500 وبعد التثبيت سيصبح 4000
    واذا تطور اداءها وطبعا عند الهنود يتطور سيصل الى6000 مع الامتيازات الاخرى
    وفي المقابل والدتي متقاعده وتحصل 2500درهم

    تعرفون يا اخواني حاليا انا اريد تغيير وظيفتي والسبب ان الهنود من حقهم انهم يصرخون علي
    وانا المخطئ ويجب اني لا اتكلم ولو هزأ والدي
    يأتي الهندي ويسالك 156 سؤال وفي الاخير يذهب ولا يشتري وكل مره يفعل نفس الشي
    ويقول انا custmor

    نعم بلادنا ليست لنا حاليا
    الموطن يخرج ويتوظف ومن ثم تبدأ رحله الديون
    1 دين للسياره
    2دين للزواج
    3 دين للغرفه في المنزل ولا الشقه لين ما تطلع الارض
    4فيزا وماستر كادر لظروف الحياه الطارئه
    5السوبرماركت والجمعيات نهايه كل شهر
    6مطاريف البترول
    7طبعا لازم الوالدين يكون لهم نصيب من الراتب
    8الدوائر الحكوميه و رسومها
    9الفواتير ويا كثرها التي تترس صندوق البريد
    وامور كثيره
    وامور كثيره

  • #8
    منضم حديثا
    تاريخ التسجيل
    Oct 2006
    المشاركات
    91
    معدل تقييم المستوى
    21


    افتراضي

    :|: السلام عليكمـ :|:

    :

    تلقى الهندي مسكين ياي البلاد
    فتحـ بقالة ..
    وعقب 3 سنواتـ ...
    سوبر ماركت .. وعقب عطهـ سنتين .
    مركز تجاري ..
    ويقول انا فقير مسكين ..
    عندنا هنديـ فتح محل صغيير وااايد ..
    وبعد سنتين بس ..
    فتح مركز من ثلاثـ محلاتـ .. والحين العود فاتحـ مطعم ..
    ونص هله يايبنهم يداومون عندهـ هههـ
    وقمة القهر .. تشوفـ مواطن عندهـ كرولا وهندي مرسيدس ...
    ولو شفت مواطن بمرسيدس هذي ديون فوق راسهـ
    والهندي كااش ...
    وكله من خير البلاد يروح للغريب و المواطن مايستفيد ..
    ونص الوظايف لهمـ ويوم المواطن يدور وظيفهـ
    مايحصل ..
    واكبر دليل انا للحين ادور ع وظيفهـ مب لاقي ..
    وكل مكان يستقبلوني فيهـ وافدين ..
    والقهر ان المدير وافد ومايقبل مواطن ... قهر والله ..
    لو نحن مثل عمان كل الشغلات للعمانية حتى البقالة ..
    كانت البلاد بخير ونحن استفدنا من فلوسها ..

    :

    :|: جار القمر :|:

  • #9
    مبدع
    تاريخ التسجيل
    Feb 2004
    المشاركات
    612
    معدل تقييم المستوى
    27


    افتراضي

    السلام عليكم

    تراهم يايين بكفاله ((مواطن))!!!

    يعني العيب فينا !!!ناس وناس
    حياكم الله

  • #10
    عضو خاص
    تاريخ التسجيل
    May 2005
    الدولة
    alain town
    المشاركات
    7,327
    معدل تقييم المستوى
    38


    افتراضي

    والله الهنود سالفتهم سالفه ..


    قسم بالله ما شفت بطره شرات بطرت هنود دبي وبوظبي ..

    والله صارت وياي مواقف معاهم .. احنا في العين عندنا ماشي هندي يطول صوته واللي يطول صوته صدقوني بنظرب لين ما يخيس .. بس يوم اتسير دبي وبوظبي اتشوف الهنود يا ريال شوي وبيركبون فوق راسك ..


    وع فكره انا مرة ظربت هندي في بوظبي . . كنت ساير الكفتريا يوعان ابغي اكل . .وطبعا انا متعود ع هنود العين سمعا وطاعه . . قتله أيه سولي 2 نقانق . . لبسني . . قتله حووه ما تسمع تباني افتح لك اذنيك .؟؟ تم يطالعين بنظره . . قتله يالحبيب بأكلك تبن لو عدتها . . الحبيب رجع وسواها . . زخيته واترفست فيه . . اندق لين ما رحموه ربعه ويو يحايزون . .

    انا اكرره شي عندي ايني هندي او بنغالي ويطول صوته او يتبطر علي . .

    والله يعين اهل دبي وبوظبي

  • معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    المواضيع المتشابهه

    1. مشاركات: 40
      آخر مشاركة: 09-15-2008, 10:42 AM
    2. اباا اعرف عدد سكان الامارات المواطنين .. كم؟؟
      بواسطة عبووود Action في المنتدى دار زايــد
      مشاركات: 25
      آخر مشاركة: 07-12-2008, 02:31 AM
    3. 17% نسبة زيادة الفقراء بين المواطنين وينك يازايد وينك
      بواسطة همس الإحساس في المنتدى دار زايــد
      مشاركات: 46
      آخر مشاركة: 09-08-2007, 02:03 PM
    4. (( أحلام الفقراء )) ...!؟
      بواسطة أبو الأمريكية في المنتدى الهدف الإماراتي
      مشاركات: 121
      آخر مشاركة: 05-13-2006, 07:55 PM

    الكلمات الدلالية لهذا الموضوع

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    رسالة إدارية

    لتصفح المنتدى بشكل اسرع الرجاء الضغط على السماح او Allow في الاعلى