شات صوتي
شات قلبي
منتدى تعب قلبي
شات صوتي
شات بنت ابوي
صيف كام
شات صيف كام
حياة ابوظبي
Close
تسجيل الدخول الي حسابك


صفحة 1 من 6 123 ... الأخيرةالأخيرة
النتائج 1 إلى 10 من 56

الموضوع: حياة ابوظبي

  1. #1
    منضم حديثا
    تاريخ التسجيل
    Nov 2012
    المشاركات
    18
    معدل تقييم المستوى
    0


    حياة ابوظبي


    السلام عليكم..

    عجبني هالمنتدى وحبيت اني اتعرف عليكم اكثر.. انا سعوديه وراح انتقل للعيش في ابوظبي مع زوجي .. حابه انكم تساعدوني ابي اعرف البلد اكثر .. وين احسن الاماكن اللي اسكن فيها ؟؟ ابي اشتري فيلا حلوه وين احسن الاحياء..

    ما ابي احياء زلمات بليييييييز انا خليجيه وحابه اختلط اكثر بالاماراتيين وما ابي عيالي يدرسون الا مع مواطنين

    انا خايفه شوي لاني ماعمري رحت ابوظبي ولا اعرف شي عنها ..

    طبعا انا مستشارة توظيف بالسعوديه وبستقيل .. تتوقعون الاقي شغل هناك عادي ؟؟

    كيف التعامل مع الخليجي هل يعامل معاملة الاجنبي ولا تحسون افضل

    طبعا بتسالون نفسكم ليش بترك وظيفتي وحياتي هنا وبجيكم؟؟

    حابه اغير وابدا حياه جديده واحس الامارات فيها فرص حلوه واهلها طيبين

    تفاعلو معاي خلوني احس باهل الامارات واعرفهم اكثر..

    تحياتي,,,




  2. #2
خبير

تاريخ التسجيل
Nov 2007
المشاركات
1,003
معدل تقييم المستوى
20


افتراضي

أن شاء الله يفيدونج الجماعة و حياج بالامارات و ان شاء الله ترتاحون فيها

و الله يوفقكم

قيصر

  • #3
    خبير

    تاريخ التسجيل
    Apr 2008
    الدولة
    AD
    المشاركات
    11,455
    معدل تقييم المستوى
    39


    افتراضي

    حياج الله في بلادج الثانيه ،،، فيه كثير اماكن حلوه فيها فلل للبيع وفخمه مثل فلل شاطى الراحه و السعديات ومجمع القولف وفلل ع المارينا و الكورنيش الخ

    واايد فيه صعب احدد لج منطقه معينه انتو شوفو و اكيد بتحصلون اللي يناسبكم


    اما بخصوص انه حابه مواطنين وبدون زلمات فهذي صعبه اشوي !لاكن ممكن تشترون فله في خليفه ا فيها مواطنين بس بعد فيها زلمات و اجانب ،،،
    و الوظيفه اعتقد لازم موافقه السعوديه اول اذا ماكنت غلطان ؟ وباقي الامور سهله قدمي ع وظيفه و بتحصلين ان شالله ،


    وماعندي فكره بخصوص معامله الخليجيين لاكن الوافدين والاجانب امورهم متسهله جدا فمابلج باهلنا الخليجيين اكيد المعامله نفسها او احسن بعد ،،، وحياج الله مره ثانيه

  • #4
    مبدع
    تاريخ التسجيل
    Feb 2011
    الدولة
    العين
    العمر
    27
    المشاركات
    894
    معدل تقييم المستوى
    13


    افتراضي

    مرحبا بج اختي

    بس بخصوص انج تشترين فيلا او بيت اذا زوجج مب مواطن من الامارات ماتقدرين تتملكين يعني ماتقدرون تشترون بيت الا تستاجرون فقط اما تتملكون لا
    التمليك في امارة ابوظبي لغير مواطن ماشي .. ما اذا كان مواطن شي ثاني

    الصراحه وايد اماكن سكنية حلوه عندج خليفة أ .. الشهامة

    اما كيف بتكون معاملتج عشان الوظيفة في تقسيمين (مواطن او وافد) .. وانتي مب مواطنه فمعاملتج بتكون كوافده وحتى لو زوجج مواطن الا اذا حصلتي على الجنسية التوظيف بكل الامانـه صعب الا اذا عندج واسـطة لان المواطنين مب محصلين وظايف مابا احبطج لكن هذا الواقع .. وفالاخير الوظيفة رزقج ماتدرين يمكن تقدمين على طول تحصلين ان شاء الله

    الله يوفقج ومرحبا بج

  • #5
    مبدع
    تاريخ التسجيل
    Feb 2011
    الدولة
    العين
    العمر
    27
    المشاركات
    894
    معدل تقييم المستوى
    13


    افتراضي

    اقتباس المشاركة الأصلية كتبت بواسطة Mister Saif مشاهدة المشاركة
    حياج الله في بلادج الثانيه ،،، فيه كثير اماكن حلوه فيها فلل للبيع وفخمه مثل فلل شاطى الراحه و السعديات ومجمع القولف وفلل ع المارينا و الكورنيش الخ

    واايد فيه صعب احدد لج منطقه معينه انتو شوفو و اكيد بتحصلون اللي يناسبكم


    اما بخصوص انه حابه مواطنين وبدون زلمات فهذي صعبه اشوي !لاكن ممكن تشترون فله في خليفه ا فيها مواطنين بس بعد فيها زلمات و اجانب ،،،
    و الوظيفه اعتقد لازم موافقه السعوديه اول اذا ماكنت غلطان ؟ وباقي الامور سهله قدمي ع وظيفه و بتحصلين ان شالله ،


    وماعندي فكره بخصوص معامله الخليجيين لاكن الوافدين والاجانب امورهم متسهله جدا فمابلج باهلنا الخليجيين اكيد المعامله نفسها او احسن بعد ،،، وحياج الله مره ثانيه

    تبا الصدق الزلمات والاجانب هم اللي محصلين الوظائف اما المواطنين والخليجيين مب محصلين شي هذا الواقع وللاسف

  • #6
    عضو نشيط
    تاريخ التسجيل
    Oct 2012
    الدولة
    ad
    العمر
    26
    المشاركات
    175
    معدل تقييم المستوى
    8


    افتراضي

    اختى شيماء

    ابوظبي من اجمل المدن, انا مولوده وحياتى كلها بين ربوعها ما بتحسين بذاك الفرق بين السعوديه وهنى
    يمكن من الانفتاح بشوى زياده عنكم بس بشكل عام الوضع فوق الرائع
    لو تبين اتكونين جنب المواطنين استاجرى فيلا بالضواحى مثل محمد بن زايد ولا خليفة 1 وها مناطق لانه اغلبها من اهل البلد
    والوظيفه كله مكتوب ونصيب اذا بتحصلين بسرعه او لا
    والله يوفقج ^^

  • #7
    مشرف دار زايد
    تاريخ التسجيل
    Feb 2009
    الدولة
    أبوظبــــــــــــــــــــي
    العمر
    31
    المشاركات
    3,608
    معدل تقييم المستوى
    23


    افتراضي

    السلام عليكم..
    و عليكم السلام ورحمة الله وبركاته .


    عجبني هالمنتدى وحبيت اني اتعرف عليكم اكثر.. انا سعوديه وراح انتقل للعيش في ابوظبي مع زوجي .. حابه انكم تساعدوني ابي اعرف البلد اكثر ..
    وين احسن الاماكن اللي اسكن فيها ؟؟ ابي اشتري فيلا حلوه وين احسن الاحياء..
    حياج الله يا اختي . و النعم بأهل السعودية . لدينا أقارب كثير بالسعودية . و حياكم الله في بلدكم الثاني " الإمارات"

    بخصوص الفلل .. لازم تعرفي ان مستوى المعيشة بالإمارات غالية و أغلى بكثير من بلدكم السعودية .
    الفلل . اتوقع الوافد ممنوع إنه يتملك فلل او اراضي . إلا اذا باسم مواطن . و الفيلا يا اختي اسعاره ما يقل عن 3 ملايين درهم .
    يعني انسوا انكم تشترون فيلا بأبوظبي . لكن في دبي ببعض مناطقها و كذلك الشارقة و عجمان . تقدروا تشترون شقة او فيلا .

    أفضل الاماكن في ابوظبي . المشرف - البطين - الكورنيش - مدينة محمد بن زايد - مدينة خليفة أ - مدينة خليفة ب - بين الجسرين " حاليا المقطع " - مدينة الضباط .
    جزيرة الريم - السعديات - جزيرة ياس - القرم -

    ما ابي احياء زلمات بليييييييز انا خليجيه وحابه اختلط اكثر بالاماراتيين وما ابي عيالي يدرسون الا مع مواطنين
    ههههههههههههه . طيب ولا يهمج طال عمرج
    الاحياء اللي ذكرت لج اياه فوق هي احياء مافيه زلمات . غالبا مواطنين و خليجيين. و فيه نسبة من الجنسيات العربية.
    تقدري تدرسين عيالج في مدارس خاصة . و هناك مدارس خاصة ذات مستوى عالي و اغلب العوائل الاماراتية تدرس عيالها
    في مدارس خاصة.

    انا خايفه شوي لاني ماعمري رحت ابوظبي ولا اعرف شي عنها ..
    بيني و بينج . المفروض يكون لج تجربة سابقة عن زيارتج لابوظبي. عسبه يكون لج خبرة و تتعرفي على أبوظبي و كيف تتأقلمين معها.

    طبعا انا مستشارة توظيف بالسعوديه وبستقيل .. تتوقعون الاقي شغل هناك عادي ؟؟
    بصراحة . الإمارات افضل دولة في فرص العمل . كل العالم يبون يعيشون و يشتغلوا بالامارات. و اظن وظيفة مستشارة توظيف
    صعب تحصلين لأن اللي يسيطرون على الموارد البشرية "القطاع الخاص" هم الهنود .
    أما الحكومي شبه مستحيل تتوظفين فيه . لأن فيه توطين .
    و أخيرا . الرزق نصيب . انتي اجتهدي و قدمي كل مكان . و هناك موقع اسمه منتدى وظائف الإمارات. بتحصلي شواغر كثيرة و يوميا تنزل
    شواغر يديدة .

    كيف التعامل مع الخليجي هل يعامل معاملة الاجنبي ولا تحسون افضل
    نحن ما عندنا مواطن - خليجي - عربي - اجنبي .
    عندنا نوعين من الناس . مواطن - وافد ( مقيم )
    اجراءات الاقامة سهلة بالنسبة للخليجي . و حتى من ناحية التوظيف. و هناك بعض الجهات الحكومية
    لما تعرض شواغر وظيفية . تذكر اول شرط هو : الاولوية لمواطني الإمارات ثم الخليجيين ثم الجنسيات العربية ثم باقي الجنسيات.


    طبعا بتسالون نفسكم ليش بترك وظيفتي وحياتي هنا وبجيكم؟؟

    حابه اغير وابدا حياه جديده واحس الامارات فيها فرص حلوه واهلها طيبين
    حياج الله اختي بين اهلج و دارج الثاني. و التغير شيء حلو .

    و أي سؤال او استفسار . فنحن حاضرين .

    ما خبرتينا عن زوجك . هل حصل على وظيفة أفضل ولا هو تاجر؟

    و نقطة اخرى .. اذا بتفكروا تفتحون عمل خاص في ابوظبي . لازم يكون باسم مواطن اماراتي. يكون الكفيل .

    -

    الله يوفقكم و ييسر لكم اموركم

  • #8
    عـضـو مـتألـق
    تاريخ التسجيل
    Apr 2010
    المشاركات
    601
    معدل تقييم المستوى
    14


    افتراضي

    السلام عليكم


    الأخت شيماء

    حياج الله بين أهلج و اخوانج

    مثل ما تفضلوا الاخوان و ذكروا ، مافي فرق بين الامارات و السعودية الا في شيئين

    الانفتاح الزائد ،، و غلاء المعيشه


    بالنسبة لشراء فيلا في ابوظبي

    هالشي ممكن بس في مناطق التملك الحر وليس للفلل الخاصة بالمواطنين

    من مناطق التملك الحر مدينة الراحة ، جزيرة الريم

    وطبعا اغلب الساكنين فيها وافدين للاسف

    ع العموم نسبة المواطنين في مناطقهم تعتبر معدودة خاصة داخل جزيرة ابوظبي

    الضواحي ، و خاصة مناطق المساكن الشعبية مب الفلل ، عدد المواطنين فيها اغلبية


    و بالنسبة للدوام ، يعتمد على تخصصج و الوظيفة اللي بتقدمين عليها

    و في النهاية تراها أرزاق

    و الله يوفقكم و يسعدكم

    و حياكم الله مرة ثاية

  • #9
    مشرف دار زايد
    تاريخ التسجيل
    Feb 2009
    الدولة
    أبوظبــــــــــــــــــــي
    العمر
    31
    المشاركات
    3,608
    معدل تقييم المستوى
    23


    افتراضي

    ملاحظة صغيرة: ما يصير نقول للأسف وافدين للأسف وافدين .
    تراهم بشر مثلنا . و هذا كله رزق من الله و ارض الله واسعة

    وين المشكلة اذا الوافد يتملك شقة او فيلا في منطقة التملك الحر .
    دام عنده القدرة المادية . و بالأخير الدولة تستفيد .

    شكرا

  • #10
    مشرف الهدف الايطالي
    تاريخ التسجيل
    Feb 2012
    الدولة
    AD
    العمر
    27
    المشاركات
    1,558
    معدل تقييم المستوى
    13


    افتراضي

    حياج الله ف بلدج الثانية ..
    أبوظبي والسعودية تقريبا ماشي فرق بينهم ..
    يمكن أبوظبي من ناحية الانفتاح شوي ..
    لو تبين تسكنين ف مكان ما فيه أجانب أفضل شوي بعيد عن مركز المدينة .. الشهامة أو خليفة أو الشامخة وغيرها ..

    مركز المدينة الأجانب متواجدين بكثرة .. والوافدين والآسيوين .. لأنه السكن يكون قريب من دوامهم .. وفيه شقق وعمارات وغيرها ..
    إذا الزوج سعودي ف هني ما عنا تمليك العقار لغير المواطنين .. بس إذا حبيتوا تسكنون بالإيجار فهذا متوفر ..
    أما لو الزوج مواطن فالأمور طيبة ..

    طبعآ الحياة هني أغلى من السعودية أظن لأن الرواتب عالية أعلى عن هناك ..
    بالعكس إنتي عندج خبرة وأولى من غيرج ف مجالج .. ماشاء الله .. إن شاء الله بتحصلين شغل

    من ناحية التعامل ما عنا تفرقة بالعكس تلقين الأجانب وغيرهم حاسين إنهم ف بلدهم ..
    بالعكس عايشين أحسن عيشة ويمكن أحسن من بعض المواطنين بعد !

    أبوظبي هي أحسن مدينة لبدء حياة جديدة ومميزة ..
    لو تحبين الهدوء إسكني فالضواحي .. أما لو تحبين حياة الصخب والزحمة والناس والمولات إسكني ف مركز المدينة ..

    إن شاء الله تنورين بلدج الثاني الإمارات ..

  • معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    الكلمات الدلالية لهذا الموضوع

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    رسالة إدارية

    لتصفح المنتدى بشكل اسرع الرجاء الضغط على السماح او Allow في الاعلى