شات صوتي
شات قلبي
منتدى تعب قلبي
شات صوتي
شات بنت ابوي
صيف كام
شات صيف كام
معلومات عن مدينة العين
Close
تسجيل الدخول الي حسابك


صفحة 1 من 2 12 الأخيرةالأخيرة
النتائج 1 إلى 10 من 16
  1. #1
    عـضـو هـام
    تاريخ التسجيل
    Feb 2007
    المشاركات
    3,364
    معدل تقييم المستوى
    26


    افتراضي معلومات عن مدينة العين


    السلام عليكم
    اخترت عنوان الموضوع حتى يستدل عليه كل باحث عن المعلومات في المستقبل وباختصار ابا همتكم ياشباب باذن الله ناوي ازور مدينة العين هاليومين

    حبيت اعرف بعض المعلومات مثلا شو اسم الشارع اللي تتركز فيه المطاعم وبعد الاسواق الشعبيه في اي منطقه وشو اسم الشارع

    والمولات انا اعرف وزرت مول بوادي ومول العين بس الجيمي مازرته شورايكم يستاهل امر عليه ولا

    حد عنده فكره عن المطاعم الموجوده في فندق ميركيور فوق جبل حفيت ويستاهلن الواحد ايمر عليهن ولا



    هل طريق امبزره هو طريق فندق ميريكور لان عندي جهاز جارمن ماسويتله تحديث وماشي في الجهاز شاليهات امبزره بس في الجهاز فندق ميركيور جبل حفيت ؛؛ اذا نفس الطريق وعقب في ارشادات اتدلني على شاليهات امبزره عادي مب مشكله

    ياجماعة ابا اطلع طريج المزراع وين اتكون اشجار النخيل ابكثافه وين هاي المنطقه وبأي جهه من العين ، يعني مافي مكان الواحد ايشل غداه وياه ويسير يستظل بمكان بس ترا عندي صالون

    هههههه اخوكم في الدروب والله اهنه هههههه اخر مره عقب ماخلصت زيارتي للعين من سنتين ويا الاهل اتقولي الحرمه اتدل طريج الرده قلتلها افا عليج مرررره لاتحاتين


    ماشفت عمري الا على معبر حدود عمان

    مشكورين مقدمآ



  2. #2
    مبدع
    تاريخ التسجيل
    Jan 2010
    الدولة
    المرفأ , العين
    العمر
    23
    المشاركات
    709
    معدل تقييم المستوى
    15


    افتراضي

    خبرتي بالعين مب لهناك بس بقولك اللي أعرفه

    لو رحت لدرب المبزرة تقدر توصل للشاليهات , و المطاعم في العين منتشرة مب في مكان معين !

    تقدر تقول في عدة أماكن

    شارع خليفة بن زايد أتوقع فيه عدة مطاعم مثل بيتزاهت و ماكدونالدز

    أما و أنت ياي من صوب بوظبي و تلف دوار الجبل يسار هني تلقى كنتاكي و راشد علي و شووية مطاعم منوووعة ! منها مطاعم الكرك و منها الكافتريات العادية و منها من نوع كنتاكي !

    من ناحية المولات أتوقع بوادي أحسن مول للحين !

    العين مول فيه توسعة و أتوقع بعد التوسعة بيصير أحسن من بوادي , خلصوا القسم اليديد من فترة بس مدري إذا فتحوه و لا بعده !

    و اسمحلنا عالقصور

  3. #3
    A H M E D الصورة الرمزية FoRZa . MiLaNo
    تاريخ التسجيل
    May 2008
    الدولة
    روســيـا .. مـوسـكـو
    المشاركات
    7,535
    معدل تقييم المستوى
    33


    افتراضي

    الشارع اللي تتركز فيه المطاعم في العين ,, شارع خليفة .. كل شيء بتحصل فيه ... بحري او لبناني او فاست فود

    فندق ماسرتله من قبل وماعتقد فيه مطاعم هناك , بستثناء مطعم الفندق

    بس شو تباه هالفندق , احجزلك شاليه في مبزرة احسلك

    طريق مبزرة نفس طريق الفندق , يعني انته تيي من درب الصناعية

    كمل دربك جنك تبا الفندق بتحصل اول دوار كمل سيدة ولا تاخذ يسار

    اذا سرت يسار بتروح الفندق يعني جبل حفيت

    اذا كملت سيدة بتدخل مبزره ..

    طريج المزارع ؟؟؟؟؟ ماينفع بتحصل قوم بو خنه وبتان هناك ... قطاع طرق خخخخخخخخ

    بالنسبة للمولات , البوادي زين بس بعيد شوي , خارج المدينة

    الجيمي مول في قلب المدينة النابض ودايما زحمه

    العين مول عقب التوسعه صار رائع جدا

    واذا بغيت اي شيء فالعين ما يردك الا لسانك ... طرشلي رسالة ع الخاص اذا بغيت شيء

    وحاضرين للطيبين



    !...Zlatan Ibrahimovic

  4. #4
    عـضـو هـام
    تاريخ التسجيل
    Feb 2007
    المشاركات
    3,364
    معدل تقييم المستوى
    26


    افتراضي

    مشكورين على المرور ويعطيكم العافيه القناص الجزراوي ، FoRZa . MiLaNo

    شباب الفندق فوق فيه يلسات خارجيه حق كوفي ويا الاهل ولا ماتنصحون ، وشو احسن مطعم شامي ووين يكون بالضبط السؤال للجميع

  5. #5
    عضو نشيط
    تاريخ التسجيل
    Feb 2011
    الدولة
    AL AIN
    المشاركات
    204
    معدل تقييم المستوى
    12


    افتراضي

    الفندق عندهم ثلاث مطاعم درجه اولى

    وواحد منهم يقدم اكل لبناني وايطالي الخ ويطل على منظر المسبح

    مذكورين بموقع الفندق



    اما اذا قصدك مطاعم شاميه ثانيه بمناطق ثانيه مب في الفندق



    عندك الصفدي والخروف الذهبي الاثنين بشارع خليفه وفي غيرهم

    وعندك الملاح والروضه في المويجعي





    والاسواق الشعبيه مادري شو قصدك بس شي سوق الزعفران هو تصميمه شعبي تقليدي لكن يحتوي على محلات نسائيه ورجاليه حديثه

  6. #6
    منضم حديثا
    تاريخ التسجيل
    Jan 2012
    المشاركات
    37
    معدل تقييم المستوى
    10


    افتراضي

    عليك بالملاح الي فسوق المويجعي اكله طيب و اسأل فورزا ميلانو عنه ولا شو تقول بو عبيد ؟

  7. #7
خبير

تاريخ التسجيل
Oct 2004
الدولة
دار الزين
العمر
31
المشاركات
8,036
معدل تقييم المستوى
41


افتراضي

الشباب ما قصروا خصوصا فورزا وما عندي اضافه غير عن مطعم زست الي في فندق روتانا عيشته طيبه ويلسته هاديه وماشي صدعه فيه.

العين مول صار افضل من بوادي ومتروس كوفيهات ومطاعم تنقى واختار.

ميركيور فيه قعده عالمسبح بس ما جربته الصراحه.

للاسف العين رغم كونها مدينه تراثيه لكن لحد الحين مافيها سوق شعبي بمعنى الكلمه رغم انه لو موجود بينجح بشكل كبير

درب السلامه واي شي محتاينه احنا حاضرين عالخاص ولا في موضوعك.

  • #8
    خبير

    تاريخ التسجيل
    Feb 2010
    المشاركات
    1,235
    معدل تقييم المستوى
    16


    افتراضي

    رباه على أيام العين

    لها معزة خاصة في قلبي هالمدينة

  • #9
    عـضـو هـام
    تاريخ التسجيل
    May 2009
    الدولة
    Al Ain
    المشاركات
    3,261
    معدل تقييم المستوى
    21


    افتراضي

    عن الاسواق الشعبيه فالعين ما تقدر تقول ان في اسواق شعبيه شعبيه

    بس عندك سوق الزعفرانه بالخبيصي مدري والله هل يصنف من الاسواق الشعبيه ولالا

    سرتله ويا الوالده مره بس ما حسيت انه شعبي
    بس فاذاعه اف ام اسمعهم يقولون سوق الزعفرانه الشعبي ..

    عالعموم عن فندق ميريكور فيستاهل انك تزوره الصراحه شي.. يعني حتى لو الواحد خذله غرفه هناك الدرايش تطل على منظر غيييير

    وعن افضل المطاعم فالعين عندك فشارع خليفه رقم واحد الخروف الذهبي وعندك الشوكه الذهبيه والصفدي بس انصحك بالاول ..

    وعن المبزره وجبل حفيت واللي فيه الفندق وعين الفايضه واللي فيها الحديقه المائيه الجديده كلهم فمكان واحد ودربهم واحد وما بتضيع

    وعن المولات عندك فالمرتبه الاولى البوادي مول وايضا العين مول بعد التوسعه اصبح شي خيالي + الجيمي مول وشي مول يديد اسمه صروح مول مدري اذا خلصو منه ولالا

    عالعموم اتمنالكم رحله جميله ..

  • #10
    عضو متقدم
    تاريخ التسجيل
    Oct 2009
    المشاركات
    429
    معدل تقييم المستوى
    15


    افتراضي

    عندك مول الفوعه قريب وفاضي وكل شي فيه <<<< نبى نربح مولنا

  • معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    الكلمات الدلالية لهذا الموضوع

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    رسالة إدارية

    لتصفح المنتدى بشكل اسرع الرجاء الضغط على السماح او Allow في الاعلى