شات صوتي
شات قلبي
منتدى تعب قلبي
شات صوتي
شات بنت ابوي
صيف كام
شات صيف كام
مهارة الريوس ( بدون كاميرا ) !!
Close
تسجيل الدخول الي حسابك


صفحة 1 من 3 123 الأخيرةالأخيرة
النتائج 1 إلى 10 من 29
  1. #1
    عضو شرف
    تاريخ التسجيل
    Oct 2003
    المشاركات
    8,215
    معدل تقييم المستوى
    43


    افتراضي مهارة الريوس ( بدون كاميرا ) !!


    يوم الخميس عقب المغرب ,,
    كنت أيوول في باركنات دبي مول أدور لي باركن للسيارة !
    وطبعا ً أفضل يكون جريب من مدخل ريل سينما ,,

    فجأة شفت السيد واقف !
    والسيارة اللي قبلي تضرب هرنات بشكل متواصل !
    والسيارة إللي جدامها تحاول تركن في الباركن الفاضي ,,
    بس مب رايمة تاخذ الوضع الصحيح !

    بعد إنتظار حوالي دقيقتين ,,
    نزلت من السيارة أشوف الموقف عن كثب ,,
    شفت بنت عندها ستيشن ومختبصة بالقوو !
    تحاول تدخل موترها في الباركن ومب رايمة !

    طبعا ً إهنه الدفاشة مرفوضة !
    لذلك ,,
    ما عرضت عليها مساعدتي !
    لكني إستفزيت من موقف راع السيارة إللي يضرب هرنات !
    شكله ( هندوسي ) يبا يربكها عشان تترك الباركن له !
    لذلك ,,
    وقفت أساعدها من خلال الإشارات !
    لكن مشكلتها ,,
    إنها تحاول تدخل الموتر بالتقدم للإمام !
    مع إن وضعيتها تتطلب إدخال السيارة ( ريوس ) !

    بعد عدة محاولات شفتها تطالعني ,,
    وحسيت الوقت مناسب لعرض المساعدة !
    فبادرت بعرض المساعدة :

    أنا : ممكن تخليني أدخل الموتر ؟

    وحليلها , ما جاوبت حتى !
    سيدة , نزلت من الموتر هي وإللي وياها !
    و رجعت بالسيارة ( ريوس ) داخل الباركن !

    الهندي ,,
    شكله إنحبط !
    و عطى موتره ريس !
    ونفد !


    الشاهد ( الأول ) في الأمر ,,

    أحيانا ً بعض المواقف تستدعي عرض المساعدة !

    ولكن ,,
    عرض المساعدة هذا يتطلب ( إتيكيت ) معين
    حتى تمر الأمور بسلاسة !
    ودون أي إحراج أو فهم خاطئ !

    الشاهد ( الثاني ) في الأمر ,,

    ما توافقوني الرأي !
    بأن مساحات الباركنات !
    تعتبر صغيرة بالنسبة للسيارات الفورويل ( العائلية ) !
    يعني حتى لو وقفت بشكل نموذجي ,,
    تحس فيه صعوبة في فتح الأبواب بمساحة كافية !

    الشاهد ( الثالث ) في الأمر ,,

    إختبارات الحريم !
    لازم يتم التشديد فيها على مهارات ( الوقوف ) !
    و ( الرجوع للخلف ) !
    لأن هذي المواقف تتكرر بكثرة !

    الشاهد ( الرابع ) في الامر ,,

    القيادة أخلاق !
    وفئة كبيرة من مرتادي الطريق ,,
    يفتقدون لهذه الأخلاق !

    الباركن ممكن يتعوض ,,
    لكن إحترامك لنفسك ,,
    من الصعب تعويضه !

    ,

    دمتم سالمين



    عتيج



  2. #2
خبير

تاريخ التسجيل
Jun 2009
الدولة
rak
العمر
37
المشاركات
1,634
معدل تقييم المستوى
18


افتراضي

ههههه

وحليلها حسيت فيها اكيد كانت في موقف لاتحسد عليه وبالاخص اذا وترها حد من وراها
بالنسبه لي ما ابركن ريوس الا اذا شفت المكان خالي عشان اخذ راحتي وما اتعرض لموقف محرج
وعشان محد يقول شفتواا ما قلتلكم طلعت حرمه اللي تسوق خخخخ

وفعلا في وااايد تنزل اخلاقهم للقاع عند باركنات المولات وقت الزحمه واتفق وياك باركنات المولات فدبي ضيجه

  • #3
    عـضـو مـتـمـيـز
    تاريخ التسجيل
    May 2010
    الدولة
    WZ
    المشاركات
    1,921
    معدل تقييم المستوى
    16


    افتراضي

    صــار لي سنــة ما خذ الليسن لكــن أواجه صعوبــة جدا في الريوس ,,

    أختبص خبــص من ناحيــة تقدير المسافــة بين سيارتي والسيارة الي وراي و المسافة المطلوبة لكســر السكـان حتى أدخل السيارة بشكل سليـم في الباركـن,,

    شكــرا لـك

  • #4
    خبير

    تاريخ التسجيل
    Jul 2009
    الدولة
    UAE
    المشاركات
    1,136
    معدل تقييم المستوى
    17


    افتراضي

    أوافقك الرأي فيما يتعلق بباركنات دبي مول فهي ضيقه خاصة للي عندهم فوريل المفروض قياسات الباركنات تكون متوافقة مع جميع انواع السيارات بالنسبة لسواقة الحريم في الشوارع اشوفها جيده الحريم يتقيدون بقواعد المرور اكثر من الرجال أكثر الي يلفون عليك في الشوارع رجال لكن فيما يتعلق بالباركنات بعض الحريم عندهم خلل خاصة في الباركنات الضيقة تلاقيها مختبصة وماعارفة شوتسوي وهذا الموقف حصل جدامي أكثر من مره في باركنات المولات في احد مولات دبي حصل جدامي موقف بنت تحاول تبركن وماعارفه تضبط الباركن تدخل الباركن وترد تطلع وواحد ورى يضرب هرن مستعجل هي من الارتباك طلعت من الباركن وخلته طبعا الي وراها هو المستفيد بس ها الايام أغلب السيارات فيهن كاميرات تسهل عليك الوقوف بشكل صحيح

  • #5
    عضو متقدم
    تاريخ التسجيل
    May 2011
    المشاركات
    309
    معدل تقييم المستوى
    11


    افتراضي

    مستحيل اروح دبي بمول بستيشن
    اصلا تادبت !
    مرة عقب ما طلعنا حصلت الموتر مشحوف شحف
    اسميني تغصصت والسبب مثل ما قلت الباركنات ضيجة وايد ,
    اتفق معاك بجزئيةاختبارات الحريم
    وفعلاً مثل ما قلت القياده فن وذوق , لكن نادراً ما نشوف
    الذوق في هالشوارع خصوصاً لو كانت مزدحمه !



  • #6
    عـضـو هـام
    تاريخ التسجيل
    May 2010
    الدولة
    دار الحــــي
    المشاركات
    5,470
    معدل تقييم المستوى
    23


    افتراضي

    الحمدالله من خذيت الليسن وانا احاول اتعلم ادخل الموتر ريوس الين ما ضبط 100%
    ابويه حالف ما اتعلم يا عتيج الا على قير عادي
    حتي الشباب عدنا بالدوام يعلقون على البنات الي يوفقون ريوس !! تفكير ضيق من جهتهم .
    وبصراحة ما احبذ سواقة السيارات العائلية الكبيره
    ،
    أ‏​طْـهَرْ أنواع الْــحُبْ:
    { انْ تُحِبَ شَخْصاً وأنتْ تعْلمْ انهُ لَنْ يَكونَ مُلكَك ولا من نصيبك }
    » { وَلكن تظل تُحبهْ ... وَتُحِبْ انْ تَراهُ سَعِـيداً
    فقـــــط لأنـك تُحِبُـــه

  • #7
    عضو متقدم
    تاريخ التسجيل
    Feb 2011
    الدولة
    Abu Dhabi
    العمر
    27
    المشاركات
    366
    معدل تقييم المستوى
    12


    افتراضي

    التبركين عقده الحريم مشان جي اول ما اخذت الليسن يبت كيا بيكانتو قلت احترم نفسي واخذ سياره صغيره اتدرب فيها ولا يستويلي ها مواقف
    والحين اسوق سياره الاهل نيسان ارمادا والحياه حلوه التبركين في ثواني حتي لو ريوس

  • #8
    خبير
    الصورة الرمزية قلب الأمير
    تاريخ التسجيل
    Aug 2007
    الدولة
    RAK & AD
    العمر
    27
    المشاركات
    7,031
    معدل تقييم المستوى
    33


    افتراضي

    من الأسباب اللي خلتني أعشق "الجيب" خخخ

    صغيرة
    و حلوة
    و سبورتية
    و قيادتها سهلة و على كيييف الكيفك بعد



    و عن الكاميرا
    حتى "بالانفنتي" ما أطالعها , أبركن بالريوس و انا أطالع المناظر الجانبية

    و حتى بموتري الفورويل الثاني
    أبركن عالريوس غااالباً بالسكن و بسهولة الحمدلله , و باركني مميز و عند الباب سيدة بأغلب الاوقات ,
    روحي اللي ابركن عالريوس و الباجين كلهم مبركنين ع جدام , إلا مرات أشوف البعض يقلد و جي خخ


    و يلا عشا تاايم

  • #9
    خبير

    تاريخ التسجيل
    May 2004
    الدولة
    🇬🇧UK🇬🇧 london
    العمر
    36
    المشاركات
    1,301
    معدل تقييم المستوى
    27


    افتراضي

    السلام عليكم

    انا ما امتحنت ريوس وباركن (ايام العز)
    وتوني من كم شهر بديت اهتم بالوقوف في الباركن بشكل حضاري !
    عموما المهارة تحتاج لصقل بس

    دمتم

  • #10
    عـضـو مـتـمـيـز
    تاريخ التسجيل
    May 2010
    الدولة
    WZ
    المشاركات
    1,921
    معدل تقييم المستوى
    16


    افتراضي

    كل الأجانب يبركنــوا سيارتهم ريوس ,, من بــاب الـ Safety

    نبغــي حملــة بركنهـــا ريوس >>> 80 % من الحريــم سحــب ليســن :haha2:

  • معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    الكلمات الدلالية لهذا الموضوع

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    رسالة إدارية

    لتصفح المنتدى بشكل اسرع الرجاء الضغط على السماح او Allow في الاعلى