Close
تسجيل الدخول الي حسابك
صفحة 9 من 14 الأولىالأولى ... 7891011 ... الأخيرةالأخيرة
النتائج 81 إلى 90 من 138

الموضوع: هل تحب تربي حيونات ؟ شاركنا بذكرياتك !!

  1. #81
    مبدع
    تاريخ التسجيل
    Nov 2007
    المشاركات
    766
    معدل تقييم المستوى
    19


    افتراضي


    والله هالموضوع بالذات يحرك الشجون والمشاعر ويذكرني بالأحداث الحزينة اللي مريت بها مع تربية الحيوانات ...


    عندنا الوالدة الله يطول بعمرها معتمدة مبدأ الرفق بالحيوان ، ومحد متوهق غيري ...

    أذكر من زمااااان ، أيـام الاعدادية يتني هفّة أبا أربي أسماك ، طبعا كل مره كانت الوالدة ترفض ... لكن في يوم من الايام رحت رحلة ويا المدرسة وصادف انهم يبيعون اسماك في المكان اللي سرناله ، اشتريت ثنتين صغنونااات
    تمن وياي فتره طويييله ... يمكن سنة ونص او سنتين .... وعقب نفقن .!

    عاد الوالدة يت بتجبر بخاطري وودتني أشتري سمكتين غييرهن، اشترينا ذكر وأنثى ومن نوع صغير ويتكاثر بسرعه ... ثاني يوم شفنا عندهم 14 ياهل يمكن لووول ... كانت الوناسة لا توصــــف الصراحة ... بس ما عرفت أتعامل وياهن ، وتمن يموتن بالتدريج ... وتموا الام والاب عندي ... ونفس الشي طاااالت فتره حياتهم ..... وعشان الرفق بالحيوااان ..... يـت الوالدة ذاك اليوم وانا راقدة وشلتهن من الحوض ... وين ودتهن ؟!!!
    حوض البط !!!!!! نشيـت مصدومة أدور حلالي هههه طبعـا ماله أثـر أبـــــدا !!!! زعلـت زعلـة قوية ذاك الييوم ...


    المهم تركت هاا كله ... وفجأة سويـت مناحـة فالبيت أبا ببغاواات هههه ... مشكله عاد وحده صغيـره وتتدلع ! سرت ويا الوالد الميينا وخذنا أحلى ببغاءتين من نوع " الكوكاكتيل "
    * الصورة من النت

    لا ودلعتهن قفص عووود وذهبي .... واستانسـت واااايد بهالشيء اللي عندي ، كنت حتى اذا آكل ايس سكريم اعطيهن خخخ ، وارش القفص ماي وقت العصر وايين ينفشن ريشهن يغسلنه ... اليين ما هبّ الرفق بالحيوااان فجأة ، قامت الوالدة قالت مسكينات يبن مكان أكبر ... وطلعتهن في قفص أكبـر وخلتهن فالحوي ، طبعا اعترضت بس ما قدرت اسوي شي ، أيــــام وشفنا عندهن بيضتين ... يووه كان شي عجيب ! ويا فرحة ما تمّت ... طاح مطر قوووي فجأة واختبص المكان وتأذن ، قمنا ودخلناهن فالقفص الاولاني ... طبعا عافن البيض عشان الماي ..
    الوالدة الله يهديها وعشان الرفق بالحيوااان بعد أيام طلعتهن .. وودتهن في قفص اكبر من اللي قبل ... عند طيور الفرّي .... يلسن كم يوم ، وشردت الانثى عقب ، أخوي ساير يطعم طيوره وغافلته وطارت ... الحيين تم الذكر يومين يمكن .... عقب يتني الوالده تقول وعشان الرفق بالحيوان : أنا طيّرته الذكر لانه صوته كان حزييين وحسيته يدعي علينا !!!!!!!!!!
    وكانت النهاية حزينة .....


    رديت عالأسماك ، بس يوم دشييت الجامعه ، استوى معرض عندنا ... واشتريت منه ثنتين صغيرونااات ... وتمن عندي فالسكن ، ووديتهن آخر السنة البيت .... طبعا عشان الرفق بالحيوان ... هههه كبرت الوالدة الحوض الاصلي يمكن متر طوله ، وهن ثنتين كل وحده طولها 2 سم يمكن ... قلت مب مشكله .... بعد فترره سار اخوي وياب حوض أكبر ... وخذ أسماك وااايد .... انواع مختلفة ... كبير وصغير واشياء ما ربيناها قبل ، وحطوا الفقيرات مالي عندهن .... ما تم وايد الحوض بعد اول عزيمة سويناها فـ بيتنا ... ماتن موته جماعية ... عين وما صلت عالنبي ...
    أذكر فالعزيمة يت عيوز بيتنا ... تسألني شو هذاك؟ قلتلها أسماك ... قالت هيييه تاكلون منهن يعني !!!! خخخخخخخ


    * من اسماك الحوض .




    آخر الأسماك اللي ربيتهن السنة اللي طافت، كانوا هديّة من صديقة عمانية، حصلتهم صدفة في محل يبيع الأسماك في مسقط، وقالت الا تييبهن لي، لأن فيهن علم الامارات، كانن من نوع السمكة الببغاء! تمن معاي فترة بسيطة وما ادري شو ياهن مرضن وماتن .. حتى ما وحالي أوديهن البيت .!




    قبل هااااي الحيوانات كلها، يبنـا قطوه من منطقة الزعفرانه في أبوظبي، قطوة شوارع بس كان عمرها صغير، سميناها " زعفـرانه " ، ونفس حالة قطوة سيليين ردت لنا بعد كم يوم حامل لوول .... يابت 3 أظن، بس أذكر انها كلت واحد ، وتموا 2 ، واحد أسود سميناه " عنتر" واخوه أبيض وأسود سميناه " عنبـر " ، طبعا عرفنا ان ابوهم اسود ولا ما بيطلعون بهالالوان ، امهم كانت خضرا ......
    المهم ربييناهم من عمرهم ايااااااام اليين فتره مب بسيطة .... واتدلعواااا دلع ما عرفوا فيه الشوارع ... صارن قطاو عز لوول ... بس الله اختار عنتر بعد شهوور يمكن 7 شهور ، طاحت أمطار غزيرة وفقدناه ثلاث ايام ، لقيناه آخر شي ميّت طايح عليه باب الخيمة ، ولانه كان مال أخوي سوينـا عزا ودفناه ، وتم عنبر حزين فترره لانه افتقد اخوه، الين ما رد نشاااطه ، وزاد فيه الدلع ، لدرجة انه صار بروحه ايي عندنا ويرقد حذالنا ونحن نشوف سبيس تون خخخخ ...... وصرنا نطفر من دلعه احيانا ندزه خلاص ملينا ياخي رووح فج عنّا ... واستوى مربرب وشعره نااااااااااعم ونظيييييف وطوويل ... النهايية كانت انه انتقلنا بيت ثاني وأخوي اللي يكره القطاو حلف يرشهن برشاش اذا انتقلن ويانا !!!! وخليناهن للأسف ...!! صحنا وما فاد


    قبل كم سنة يبنا قطاو شيرازيّـات بس الوالدة ما بغتهن فالبييت بعد ما شافت السالفة فيها تطعيم تسبيح وسشوار وما ادري شو، صرفتهن وقالت لنا شردن !!!



    وهيييك !!




    الصراحة استفدت من بعض الردود ، خخخ في حيوانات ما كنت اعرفها، وعيبتني صور الجلاب لول بس مهما صار ما أفكر اربي جلاب !!!!


    وشكرا مستر سييف عالموضوع



  2. #82
    عـضـو هـام الصورة الرمزية آلشهآمـہ
    تاريخ التسجيل
    Oct 2009
    الدولة
    ĄĻ ŞĄĦĄḾḾĄ
    العمر
    25
    المشاركات
    3,593
    معدل تقييم المستوى
    21


    افتراضي

    آنآ من آلنوع آلي آربي كآسكو آليف بس يبآله تدريب .

    بس آلمشكله توحش من شهر مآقدر آلحين آقرب منه .












  3. #83
    خبير

    تاريخ التسجيل
    Jan 2008
    الدولة
    دنيا دنيه عقب زايـــد
    العمر
    33
    المشاركات
    27,513
    معدل تقييم المستوى
    72


    افتراضي

    العقرب

    خخخخخخخخخخخخخخخخخخخخخ هاي سلق مال سبق ياريال :lool: خراطه كيف مال سبق وهي فاطر خخخخخخخ

    م.ع

    حليلها ، هاي الصورة جديمه احين تختخت عقب الحمل والولاده خخخخخخخخخخخخخخخخخ ، بس ابوي دوم يهازبنا اونه بتاخذون اثم منها رابطينها وبعد ما يحطلوها اكل غير من العصر لين العصر بالباجر


    سيف

    ياويلك اذا ياها شي جلبتنا خخخخخخخخ ، ذكريات فديتها كانت فالبيت بس عقب قالوا ماتجوز الصلاه فالبيت الي فيه جلاب وشليناها العزبه ،،

    اذكر ايام 98 وايام المطر وكيف تي تركض ولا ترمس يوم تشوف حد منا ويوم تشوف حد غريب تشل الدنيا من النبيح يحليلها !

    بررررررررب :bwroo:

  4. #84
    موقــوف
    تاريخ التسجيل
    Jan 2007
    الدولة
    إمارات goal للموت.com
    العمر
    37
    المشاركات
    2,519
    معدل تقييم المستوى
    0


    افتراضي

    هههههههههههه
    ضحكتني سوالفكم والله
    وماشاء الله ملاك الطير عندك معلومات فنننن فالحيوانات ماشاء الله
    م.ع > ظني صح رمسة الوالدة الي اعرفه البايثون يجتل ! يعني اذا لدغ اي انسان خلاص يجتله !
    وظني ايسمونه هب بايثون ايسمونه بثن > ويقولون بثن يوديك الكفن

    هالي اعرفه ... والله اعلم


    قصصنا عالمية ويا الحيوانات .. ذكرتني بعمي وعياله يحبون الحيوانات بشكل جنوني !!
    تذكرت ولد عمي يحب ايربي الحيوانات بشكل فظيع !! خخخ
    مرة ربى سبال .. وكنت اشوف هالسبال محترم وحبوووب وكتكووت > عاد اول مرة اشوف سبال فالطبيعه خخخخخ يعني كنت اندمج فشوفة هالسبال خخخخخخ
    لكن بعد فترة !!
    السبال تغير حالة وشقولكم يعني من اطوف بنت حذال القفص ايصفر الها خخخخخخخ
    ويتعلج بالقفص وجنه هب شايف خير خخخخخ بختصار يتحرش فالبنات خخخخخخخخ
    الموهيم تدريجا ابتعدت عن السبال .. وفيوم من الايام الصيف الحار
    توفى السبال بسبب ارتفاع درجة حرارة الجو العاليه عليه
    وبصراحة حزنت وعور قلبي واااااآيد بالرغم من تصرفاته الغير اخلاقيه!!

    \\
    ايام الطفولة كنت اموت فشي اسمه قطاوه يعني عناية فيهم بمرتبة الشرف!
    سبوح ، اكل ، رضاعه، وعلج فرقبتهم خلخال أوسلاسل ع كل وحدة وعليها حرف خخخخ
    ولدرجة اني كنت احطهم تحت شبريتي فكرتون خليهم يرقدون عندي خخخخخخخخخخخ
    وحطهم ع جتفي وتمشى واسير ابهم كل مكان خخخخخخخخخخخ
    لكن حاليا احبهم لكن هب شرات قبل يعني حب زماله لا اكثر ولا أقل !
    يضيجون بي ويسببون لي ازعاج .. لكن بعد يكسرون بخاطري ساعات
    حاليا عدنا قطوتين فالبيت .. وكل يوم انقول بنعقهم جريب الجبره .. او جريب البحر
    لكن ما يهونون علينا



    ومتابعه لهالموضوع الشيق

    بايؤوء

  5. #85
    خبير

    تاريخ التسجيل
    Jun 2007
    الدولة
    الـٍعـٍ AL-ainـيَـنٍ
    المشاركات
    1,044
    معدل تقييم المستوى
    21


    افتراضي

    .
    .
    أأأأأأأأاحب الطيوووووووور وااااااااااااايد

    خصوصا البغبغاوات

    قبل يوم كنا نسكن مع قوم عمي كانو يربون حمام كنت ابد ماحبهم اكرهم واخاف منهم

    حتى الصخلات والتيوس والدياي مادانيهم الخ

    بس من بدينا نربي بروحنا تغيرت وجهة نظري حتى اهلي صارو مثلي نحبهم

    المهم اول واحد كان كاسكو ماكان يتكلم صغير بس يصفرر ياحلووووه وناسه

    خذناه من خالوه ماكانو يحبونه دومهم يغطونه كسر خاطرنا وشلينا البيت

    تعود علينا مع الايام والشهور وصار اليف

    بس للاسف ماات اختي خلته الصبح خاري ويوم ردينا الظهر حصلنا ميت تيبس !

    شووووو صحنا صيااااااااااااح الكل صااح كبيرنا وصغيرنا كان مالي علينا البيت

    عقب فتره يبنا كاسكو اخر ونوع ثاني من البغبغاوات يسمى الدره




    وايضا للاسف مرض علينا الكاسكو حليله وايد عانا من المرض

    والاخضر الثاني بعد مافادهم بيطري كل مانوديهم يعطونهم ابر

    ولا يظهر لك الدكتور خواف ياخاف منهم

    بقى واحد للحين عندنا مانعرف شو جنسه بس نسميها امونه ^_^

    عاد بخبركم عن امونه تخاف من الرياييل خصصوصا الدريول

    بس تسمع صوته برع تتخبل علينا تشرد في الحجر عادي تنقز من فوق

    تقولون يايينا ابليس هالتصرف محير الكل

    واخيرررررررررا الوحششش العبيط



    مانحبه كثر امونه بس تعودنا على ازعاجه ^_^

    كل مانشتري سمج يموت

    الحين خاطري اربي طيور الحب البادجي

  6. #86
    A H M E D الصورة الرمزية FoRZa . MiLaNo
    تاريخ التسجيل
    May 2008
    الدولة
    روســيـا .. مـوسـكـو
    المشاركات
    7,535
    معدل تقييم المستوى
    33


    افتراضي

    ذكرتني .. هههههه

    كان عندي جلب .. (( الله عزكم )) .. شارنه بألف درهم عاد من شكله دلوع وحلوو وشعره طويل وناعم ..

    صارله حادث واتعور وصار شكله معوق فجه اتجدم وطلعن ضروسه وصار يمشي ع ريلتين مثل الأرنب هههههه ..


    المهم وصلته عيادة بيطريه عشان يعالجونـه قالي تكاليف العلااج بـ 5 آلاف درهـم .. قلتله انا شارنه بألف اعالجه بـ 5 آلاف ... قتله عطني مطرقـه خلفني افلـقله راسه ههههههههههههههههههه

    تم الجلب ع هالحاله إلى ان توفاه الله في طوي هههههههههههههههههههههههههه

  7. #87
    عضو خاص
    تاريخ التسجيل
    Jun 2008
    الدولة
    UAE
    المشاركات
    10,342
    معدل تقييم المستوى
    38


    افتراضي

    نحن الله يسلمك كان عدنا قطو ..
    اسمه king
    وكانت هديه لاختي فعيد ميلادها والوالده كانت معارضه ها الشي طبعا لانه عندها عقد من شي اسمه طقواه المهم شرف السيد ويوم يبناه كان عمره شهر والصراحه وكنا نوديه الدكتور ومدلعينه واستوا محبوب ف البيت والكل يسال عنه حتى الوالده تقول اكلتوه ولالا وجيه وايد استوت تهتم فيه وكان طبعاا يحب يتمشى برع ومره ظهر وحصلنا جريبالزباله الله يعزكم مع رفقاء السوء قطاوه الشوارع وكان كل يوم يحب بتمشى ف الحديقه اللي ف البيت ويرد ومره من المرات مارد والله ف الليل الكل ظهر يدور حتى ابوي دور ويانا انا واخوي الصغير بالموتر ندوره ف الشعبيه وهلي داخل البيت وما حصلناه
    امي قالت خلاص بنخليله باب القراج مبطل يمكن يرد والله والصبح حصلناه عند باب الصاله راقد
    بس كانت الفاجعه الكبرى يوم اليمعه كنت مع ولد خالتي فبوظبي ويوم ردت جيه ع المغرب اجوف الوالده واختي الصغيره ف يالسين داخل الموتر مانوا ظاهرين بس وقفوا جريب الشارع يجوفون الشارع ويصيحون استغربت قتلهم حوو فيكم شي قالو king مات اليوم دعمته سياره اخخ ياقلبي والله حزنت وابوي قال محد يخبر اختي اللي هديناه اياه انه مات الا يوم تخلص امتحانات وهي ف جامعه الامارات ماتتدري المهم ادري طولت عليكم بكملكم القصه عقب يتني شغله ضروريه وها صورته


  8. #88
    خبير

    تاريخ التسجيل
    Jan 2008
    الدولة
    دنيا دنيه عقب زايـــد
    العمر
    33
    المشاركات
    27,513
    معدل تقييم المستوى
    72


    افتراضي

    اقتباس المشاركة الأصلية كتبت بواسطة FoRZa . MiLaNo مشاهدة المشاركة
    ذكرتني .. هههههه

    كان عندي جلب .. (( الله عزكم )) .. شارنه بألف درهم عاد من شكله دلوع وحلوو وشعره طويل وناعم ..

    صارله حادث واتعور وصار شكله معوق فجه اتجدم وطلعن ضروسه وصار يمشي ع ريلتين مثل الأرنب هههههه ..


    المهم وصلته عيادة بيطريه عشان يعالجونـه قالي تكاليف العلااج بـ 5 آلاف درهـم .. قلتله انا شارنه بألف اعالجه بـ 5 آلاف ... قتله عطني مطرقـه خلفني افلـقله راسه ههههههههههههههههههه

    تم الجلب ع هالحاله إلى ان توفاه الله في طوي هههههههههههههههههههههههههه
    خخخخخخخخخخخخخخخخخ ويوم انت مب رايم على علاجه ، جي ترغده فالشارع يدعمونه مسكين

    الا انت متاكد انه توفى في طوي

    والا عاف عمره وقرر الانتحار

    ،،




    كررررررررره

    كنا نلقطهن من الحوض فالعزبه ونيبهن البيت ويطيحن فالبالوعه ههههههههه

    يعلنا الغش وصخين نعابلهن وهن من روحهن تقول طحالب من الغشش علي عليهن :lool:


    ::




    ديناصور سغير

    حلجه خخخخخخخ نفس الشي ، نحن اصلا ما نتعب عمارنا :lool:

    الجلاب والحمام نيبهن من العزب والحجات والكرير نلقطهن من العزبه ومب خسرانين شي


  9. #89
    عضو نشيط
    تاريخ التسجيل
    Jan 2008
    المشاركات
    125
    معدل تقييم المستوى
    18


    افتراضي

    ياااااااااااااااااااااااااه ياهوووووووووو موضوع فنتووووووووووك
    وانا اترياكم تنزلون مثل هالمواضيع بس المشكله راسب فالتعبير خخخخ
    الله يسلمك قوولي شو ماربيتو وشو ماتربون هيهيهيهي
    اسد -تمساح -ضبع -ذيب الحيوانات المفترسه بانواعها والحيوانات الاليفه بانواعها
    وكانت عارض للبيع ف قسم البيع والشراء شبل ولبوه والاعضاء كانو مستغربين من اللي عارضنها >>>>>>وايد مصدق عمره الولد هع

    والحمدلله هذا من فضل الله ولين اليوم انربي هالحيوانات والحمدلله مستانسين منهم


    وبحط لكم ثلاث صور ع السريع


    هاي المينا من النوع النادر وتتكلم





    الجيتا




    وهذا الككاتو بعد من النوع النادر اللي متواجد اكثر شي باللون الاصفر بس هذا برتقالي ولاحظت قبل فتره في اكثره من حبه ف السوق


    اذكرو الله

  10. #90
    عضو خاص
    تاريخ التسجيل
    Jun 2008
    الدولة
    UAE
    المشاركات
    10,342
    معدل تقييم المستوى
    38


    افتراضي

    المهم يوم يت اختي البيت وما جافت القطو تمت تسال وينه وينه ولين ما يت بنت ولد خالي << هع
    مع قايليها ما تخبرينها يوم يسرون الناس نحن بنخبرها قالتلها خالوه كنج طلعته دم اختي شكت ف السالفه وعقب عمتها الثانيه قالتها عظم الله اجرج
    واختي اهتي خلاص عرفت السالفه ودش في حاله بكاء شديييييييييييييد جدا جدا جدا وعقب ماسارو الناس يا ابوي يهديها ومن العصبيه تزاعق ع ابوي تقوله كله منك انت انت اللي دومك تقول خلوه يطلع وجيه شيت ><
    الهم وتمت اسبوع تقريبا لين ما حاولنا ننساه لانه صج كان مونسنا ف البيت والحين نفكر ناخذ بعد قطوتين ريال ومره بس ان شاء الله ما يموتون

صفحة 9 من 14 الأولىالأولى ... 7891011 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

رسالة إدارية

لتصفح المنتدى بشكل اسرع الرجاء الضغط على السماح او Allow في الاعلى


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71