شات صوتي
شات قلبي
منتدى تعب قلبي
شات صوتي
شات بنت ابوي
صيف كام
شات صيف كام
:+: ستراتا - مبادله "العين" ، فرص وظيفية لمستقبل أفضل :+:
Close
تسجيل الدخول الي حسابك


صفحة 1 من 8 123 ... الأخيرةالأخيرة
النتائج 1 إلى 10 من 79
خبير

تاريخ التسجيل
Jan 2008
الدولة
دنيا دنيه عقب زايـــد
العمر
33
المشاركات
27,513
معدل تقييم المستوى
73


Omar114 :+: ستراتا - مبادله "العين" ، فرص وظيفية لمستقبل أفضل :+:





مرحباني ،،

حبيت اليوم احط لكم تقرير بسيط عن شركة ستراتا لتصنيع هياكل الطيارات ، والي مقرها العين ، وايد ناس يسالون عنها وماعندهم المعلومات الكافيه ، فحبيت افيدكم بما ان الشركة توها يديده ومش معروفه ، وأصلا حرام مشروع بهالضخامه مايحصل ع الشهره الكافيه .

طبعا الشركة تبع مبادله ، وأتوقع وبدون مبالغه تحل مشكلة شح الوظايف فالعين بدرجه كبيره جداً.

ستراتا ، مثل ماقلنا راح تكون لتصنيع الطيارات ومثل ماهو معروف نادرة الشركات الي تصنع الطائرات فالعالم ،وستراتا الوحيده فالشرق الأوسط .

بناء هياكل الطيارات راح يكون على شكل خطوات ، مثلاً الذيل الجناج ، الهيكل ، السكيورتي ، الخ ، والنهايه باذن الله راح تكون في 2020


::

الوظايف في هذي الشركة راح تكون نوعين :

الأولى : للمهندسين "بغض النظر عن نوع التخصص فالهندسه "



فالبدايه راح يكون في شهرين تاسيس ، وفيها بيتعرفون على الماده الي تصنع منها الطيارات وشرح الخطط والاهداف الخ ، في اكاديمية العين .

الخطوة الثانيه ، اربع اشهر دراسة للكونسبت . فالمبنى

الخطوة الثالثه ، سنة او سنة ونص دراسه فالخارج سواء في الولايات المتحدة الامريكيه او في فرنسا

الخطوة الرابعه ، راح يبدون تصنيع وديفلوب منت ، لكن تحت اشراف مختصين ، لمدة سنتين ، فالمصنع

وأخيرا ، هذول المهندسين راح يعتبرون القاعدة الأساسيه ، بينقلون التكنولوجيا الي تعلموها للي بعدهم فماراح يكون فيه داعي للدفعات الي بعد للسفر ، وايضا راح يشرفون على الفنين والصناعه .
::

الثانيه : الأوبريتور

هذي وظايف لحملة الثانوية العامه والدبلوم ، بالمثل راح يخضعون لفترة تدريب وتدريس ، لكن بدون سفر .

،،

اتمنى محد يطالع الوظايف على انها فنية وفي مصنع ، بالعكس هذا شي حلو وتحدي جديد ، تخيل تركب طيارة بعد عشر سنين صناعه اماراتيه 100% !
المشروع اماراتي والايدي العامله راح تكون اماراتيه بعد .

::



المبنى الرئيسي



المصنع



شكل المصنع من الداخل ..،

::

التدريب راح يبدى شهر 5 او 6 ، الدراسه والعمل مختلط .

أي سؤال حاضرين ،،




  • #2
    خبير

    تاريخ التسجيل
    Apr 2009
    الدولة
    العــــــين
    العمر
    32
    المشاركات
    4,925
    معدل تقييم المستوى
    25


    افتراضي

    يعطيج العافيه على هذا الجهد...شي حلوو والله انه يكون مشروع اماراتي والايدي العامله تكون انتاج اماراتي..وفي نفس الوقت فكرة الوظايف وتحد من الشح وقلة فرص العمل فالعين..دمتي بود آنت وبســــــــ

  • #3
    خبير

    تاريخ التسجيل
    Nov 2007
    المشاركات
    4,906
    معدل تقييم المستوى
    28


    افتراضي

    اختي اهم شي ال $$ كم بيكون ,, لان محد قام يشتغل لان هو تحدي يديد او شغل حلو ,,
    الكل قام يدور ع ال$$ الي يعيشه بهالزمن والحياة القاسيه ,,, ,,
    مثلا" انا حاليا مرتاح بشغلي لكن ك $$ مايعيشني لاخر الشهر فرحت قدمت بالعسكريه ,,
    لان ك راتب اقدر اتزوج واعيش نفسي وغيره من هالامور ,,
    والسموحه

  • #4
    خبير

    تاريخ التسجيل
    Feb 2010
    المشاركات
    1,445
    معدل تقييم المستوى
    16


    افتراضي

    آنزين يقـبلون آي شـهآده .. !!

  • #5
    عضو متقدم
    تاريخ التسجيل
    Feb 2007
    الدولة
    AUH
    العمر
    38
    المشاركات
    351
    معدل تقييم المستوى
    20


    افتراضي

    صعب الواحد يحط لنفسه هدف وهو الراتب فقط؟؟الحينه ما يهمكم تبنون أنفسكم وتحصلون أنفسكم في مجال تتطورون فيه؟

  • #6
    خبير

    تاريخ التسجيل
    Jan 2008
    الدولة
    دنيا دنيه عقب زايـــد
    العمر
    33
    المشاركات
    27,513
    معدل تقييم المستوى
    73


    افتراضي

    اقتباس المشاركة الأصلية كتبت بواسطة نشوة غرام مشاهدة المشاركة
    يعطيج العافيه على هذا الجهد...شي حلوو والله انه يكون مشروع اماراتي والايدي العامله تكون انتاج اماراتي..وفي نفس الوقت فكرة الوظايف وتحد من الشح وقلة فرص العمل فالعين..دمتي بود آنت وبســــــــ
    الله يعافيج ، جربي حظج قدمي عندهم :bwroo: ،،

    اهم شي ما يبغيله واسطه ويبون اعداد كبيرة ، بس ع شكل دفعات راح ياخذونهم

    اقتباس المشاركة الأصلية كتبت بواسطة .. du .. مشاهدة المشاركة
    اختي اهم شي ال $$ كم بيكون ,, لان محد قام يشتغل لان هو تحدي يديد او شغل حلو ,,
    الكل قام يدور ع ال$$ الي يعيشه بهالزمن والحياة القاسيه ,,, ,,
    مثلا" انا حاليا مرتاح بشغلي لكن ك $$ مايعيشني لاخر الشهر فرحت قدمت بالعسكريه ,,
    لان ك راتب اقدر اتزوج واعيش نفسي وغيره من هالامور ,,
    والسموحه
    افا يادو

    تسأل عن الـ $$ و مبادله فالموضوع

    المميزات وايد حلوة ، بس في فترة التدريب راح يكون الراتب اقل شوي ، بس كم بالضبط مادري

    لأني مش متاكده ماقدر احط رقم معين.

    اقتباس المشاركة الأصلية كتبت بواسطة "عينآوي uae" مشاهدة المشاركة
    آنزين يقـبلون آي شـهآده .. !!
    مثل ماقلت في نوعين

    الاول مهندسين ، والمطلوب باكلريوس هندسه في اي تخصص

    الثاني فنيين ، المطلوب ثانويه عامه ودبلوم

  • #7
    عضو خاص
    تاريخ التسجيل
    Dec 2009
    الدولة
    [فديت طآريهـآ] " العين ".
    المشاركات
    8,403
    معدل تقييم المستوى
    31


    افتراضي

    بصراحه اول مره اسمع عن هالشركه .."

    اشكرج روح .. وحلوه الفكره مثل ما قلتي
    تخيل

    تركب طيارة بعد عشر سنين صناعه اماراتيه 100% !

    المشروع اماراتي والايدي العامله راح تكون اماراتيه بعد .

    بس شو الاشياء المطلوبه .. ! اظن هالشي ناقص فالمووضوع .".

    ويعطيج العافيه روح .."

  • #8
    خبير

    تاريخ التسجيل
    Nov 2007
    المشاركات
    4,906
    معدل تقييم المستوى
    28


    افتراضي

    اقتباس المشاركة الأصلية كتبت بواسطة روح زايـــد مشاهدة المشاركة

    افا يادو

    تسأل عن الـ $$ و مبادله فالموضوع

    المميزات وايد حلوة ، بس في فترة التدريب راح يكون الراتب اقل شوي ، بس كم بالضبط مادري

    لأني مش متاكده ماقدر احط رقم معين.


    مع احترامي لمبادله بس الواحد لازم شوي يظمن الشغله مايقدم على عمى ,,

    روح حاولي تحطين المميزات والحوافز الي يحصلها الموظف والمتدرب وشي ثاني ,,

    هل المتدرب راح يتم تعينه كموظف ولا ع حسب شو يقدمه بالتدريب ,,

    ويشوفون هل يستحق التعين او لاء ,, لان مافينا نقدم ونضيع وقت وبالاخير يقولون

    صك الباب وراك ,,

  • #9
    عضو خاص
    تاريخ التسجيل
    Dec 2009
    الدولة
    [فديت طآريهـآ] " العين ".
    المشاركات
    8,403
    معدل تقييم المستوى
    31


    افتراضي

    وصح بعد وين مكانه .. !

    اظن انج ما طريتي فالموضوع وين مكانه بالضبط .. !

  • #10
    خبير

    تاريخ التسجيل
    Jan 2008
    الدولة
    دنيا دنيه عقب زايـــد
    العمر
    33
    المشاركات
    27,513
    معدل تقييم المستوى
    73


    افتراضي

    اقتباس المشاركة الأصلية كتبت بواسطة عالي المقام مشاهدة المشاركة
    صعب الواحد يحط لنفسه هدف وهو الراتب فقط؟؟الحينه ما يهمكم تبنون أنفسكم وتحصلون أنفسكم في مجال تتطورون فيه؟
    صدقني ياخوي في هالغلا ، الراتب مهم ، خص للشباب ،

    بس هذا مايعني ان الرواتب ضعيفه بالعكس ، مبادله معروفه تبع حكومة بوظبي ووراها الشيخ محمد بن زايد ، مميزات حلو ورواتب احلى لكن بعد فترة التدريب ، قبل راح تكون اقل .

    المجال حلو ويديد وبصراحه فخر للاماراتيين انهم يصنعون شي بايديهم

    فرصه وياتهم لين عندهم ، بدل الشغل الروتيني وشغل المكاتب

    ::

    الإيميل

    للخريجين
    [email protected]

    للكل

    [email protected]

    اقتباس المشاركة الأصلية كتبت بواسطة نويت الرحيل مشاهدة المشاركة
    بصراحه اول مره اسمع عن هالشركه .."

    اشكرج روح .. وحلوه الفكره مثل ما قلتي
    تخيل

    تركب طيارة بعد عشر سنين صناعه اماراتيه 100% !

    المشروع اماراتي والايدي العامله راح تكون اماراتيه بعد .

    بس شو الاشياء المطلوبه .. ! اظن هالشي ناقص فالمووضوع .".

    ويعطيج العافيه روح .."

    العفو صديقتي ،،

    المطلوب مثل ماقلت ، اما باجلر في الهندسه باي تخصص

    او اي شهادة ثانيه ، بس مب اقل عن الثانويه

    وشوية انجليزي ، بس وطرشون السي في ع الايميل .

    المكان ، مطار العين

    اقتباس المشاركة الأصلية كتبت بواسطة .. du .. مشاهدة المشاركة
    مع احترامي لمبادله بس الواحد لازم شوي يظمن الشغله مايقدم على عمى ,,

    روح حاولي تحطين المميزات والحوافز الي يحصلها الموظف والمتدرب وشي ثاني ,,

    هل المتدرب راح يتم تعينه كموظف ولا ع حسب شو يقدمه بالتدريب ,,

    ويشوفون هل يستحق التعين او لاء ,, لان مافينا نقدم ونضيع وقت وبالاخير يقولون

    صك الباب وراك ,,
    اخوي هذي مب الفطيم عشان تشوت الموظفين ،

    مثل ما قتلك في رواتب في فترة التدريب ، والتدريب بيكون من الصفر ، يعني مش بهالسهوله بيروغون الخلق وهم مخسرين على تدريسهم وتدريبهم ويمشولهم رواتب

    هذا رد ع ذمت بنت سوت مقابله

    سويت مقابله بفندق الانتر حشى مب مقابله ساعتين بس كانت حلوه مب بروحي كانوا وياي بنتين وولدين وكل حد يعرف عنه نفسه وهيك يعني

    الشركه هاي اول مره تكون بالدوله وبالعين بالذات.. وهي لتصنيع اجنحه الطياره وان نفع بالمستقبل يمكن يصنعون طياره كامله وطبعا هالشركه تندرج تحت محمد بن زايد يعني لو حد ابدع بشغله قال لنا المسؤال ع طول اسمه يوصل فوق للشيوخ ..

    الشركه: مثل الدراسه سنتين بس شغلج يكون مضمون.. اول سنه يراوونا المصنع ويعلمونا وثاني سنه يعطونج شغلج وينزل لج راتب بدايه الدراسه تقريبا 12 الف او 15 الف بعدهم ماحددوا انا تحمست وان شاء الله خير هي صح

    ... الدراسه راح تكون بمطار العين او جريب من مطار العين ..والمكان مختلط ومن جنسيات مختلفه.. هذا على كلام الريال اللي سوالي المقابله.. واهم شي قلت له لو تركت الدراسه في غرامه ماليه تترتب عليه قال لاااااا

  • معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    الكلمات الدلالية لهذا الموضوع

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    رسالة إدارية

    لتصفح المنتدى بشكل اسرع الرجاء الضغط على السماح او Allow في الاعلى