شات صوتي
شات قلبي
منتدى تعب قلبي
شات صوتي
شات بنت ابوي
صيف كام
شات صيف كام
فقدت اللغة العربية كيف استعيدها ..البلاك بيري
Close
تسجيل الدخول الي حسابك


النتائج 1 إلى 8 من 8
  1. #1
    مبدع
    تاريخ التسجيل
    Oct 2004
    المشاركات
    554
    معدل تقييم المستوى
    26


    افتراضي فقدت اللغة العربية كيف استعيدها ..البلاك بيري


    السلام عليكم

    خذت الجهاز البولد بس ما اقدر اكتب عربي بالمسنجر حاولت اغير اللغة عن alt+ enter ما يصير

    ولا بالاوبشن والا بالست اب شو الحل ؟؟

    شاكر لكم المساعده



  2. #2
    مبدع
    تاريخ التسجيل
    Aug 2004
    الدولة
    دار بوسعيــــــد
    العمر
    36
    المشاركات
    571
    معدل تقييم المستوى
    26


    افتراضي

    اخوي انت اول ما شبكته بالكمبيوتر سويت للجهاز ابديت ولا؟؟؟ لانه الابديت اليديد مافيه عربي....

    خبرني عشان اعطيك الحل...

  3. #3
    مبدع
    تاريخ التسجيل
    Oct 2004
    المشاركات
    554
    معدل تقييم المستوى
    26


    افتراضي

    انا من شغلت الجهاز ما لقيت العربي

    كلمت اتصالات ولا منهم فايده كل شوي يعطونك شغله والاخير قالوا لي نزل الب ديت الجديد من النت وطرشوه على الايميل حجمه 96ميجا وبجرب وبشوف

    شاكر لك اهتمامك

  4. #4
    مبدع
    تاريخ التسجيل
    Aug 2004
    الدولة
    دار بوسعيــــــد
    العمر
    36
    المشاركات
    571
    معدل تقييم المستوى
    26


    افتراضي

    عيل احتمال كبير انه الجهاز نفسه مافي عربي من الاساس....

  5. #5
    مبدع
    تاريخ التسجيل
    Oct 2007
    المشاركات
    627
    معدل تقييم المستوى
    19


    افتراضي

    هلا أخوي .. بشرحلك كيف تركب سوفتوير عربي للجهاز .. و للامانه انا ما جربته على تلفون ما فيه عربي بس جربته على تلفوني يوم اخترب و كل شي رد طبيعي .. و اذا مب حاب تغامر رجع الجهاز للي باعك و قوله يركب اللغة العربية ..

    الطريقة ياخوي هي انك أول شي تسمي بالله .. و تتأكد ان عندك الاشياء التالية:
    1 - لازم كمبيوترك يكون نظام تشغيله وندوز .. اكس بي او فيستا ..
    2 - عندك الـ Blackberry Desktop Software مركب عالكمبيوتر .. اذا ما كان عندك بتلاقيه فواحد من السيديات اللي ويا التلفون او تقدر تحمل اخر نسخة للبرنامج من هالوصلة (و الافضل انك تحمل النسخة الأخيرة):
    http://na.blackberry.com/eng/services/desktop/

    يوم بتدش اضغط زر Download بتلاقيه عاليمين .. عقب بتييك لسته تختار منها BlackBerry Desktop Software v5.0 و تضغط next

    بتطلع لك وايد خيارات تحت .. طبعن تقدر تختار اللي تباه بس نصيحة مني خذ الاخف عسب يتحمل اسرع .. افضل واحد فيهم هذا
    Desktop Manager 5.0.0 B28 English - Without Media Manager


    • File name: 500_b028_english_nomediamanager.exe
    • File size: 87.402 MB
    • Date posted: 17-Jul-09
    و عقبها تضغط download و تحمل البرنامج و تسويله install و عقبها ريستارت للكمبيوتر و يكون الـ Blackberry Desktop Software مركب على كمبيوترك .. و يفضل انك تسوي باك اب للجهاز قبل لا تغير السوفتير اللي عليه .. 3 - لازم تحميل سوفتوير التلفون حسب البطاقة اللي راح تستخدمها اذا اتصالات او دو .. يمكن تلفونك يستوي locked و يمكن لا و اذا مب ناوي تركب بطاقة شركة ثانيه فماشي فرق .. دش هالصفحة و انزل تحت عند middle east و بتلاقي اتصالات و دو و باجي شركات الشرق الاوسط و اختار اللي يناسبك ..

    http://na.blackberry.com/eng/support...load_sites.jsp

    عقب بتييك لسته ثانية .. هالمرة اختار منها تلفونك يعني لو بولد اختار BlackBerry Bold (TM) 9000 smartphone و اضغط نكست ..

    بيطلعلك تحت اكثر عن سوفتوير للتلفون .. وكلهن شرات جيه
    BlackBerry Handheld Software v4.6.0.451 (Multilanguage)

    Package Version: 4.6.0.451
    Consisting of:
    • Applications: 4.6.0.266
    • Software Platform: 4.0.0.223
    • File name: 9000M_PBr4.6.0_rel451_PL4.0.0.223_A4.6.0.266_Etisa lat.exe
    • File size: 96.67MB
    اهم شي اهنيه هو الـ Software Platform: 4.0.0.223 و هاي اتييبها من تلفونك .. تدش على المنيو عقب options عقب about و بتلاقي ثالث سطر فيه نسخة سوفتوير التلفون و بين قوسين السوفتوير بلاتفورم .. اذا حصلت نفس بلاتفورم جهازك فالموقع حمله بالضغط على download و فالاغلب بتلاقيه لانه موحد .. و اذا ما حصلته و حاب تغامر حمل احدث سوفتوير .. و اذا مب حاب تغامر ارجع للي باعك .. بعد ما تعبي الفورم (مب لازم معلومات صحيحة) توكل على ربك و حمل السوفتوير فالمكان اللي تباه ..

    4 - وصلة اليو اس بي الاصلية .. و تكون حالتها اوكيه مب مقطعه او مكسور فيها شي ..
    بعد ما تكون العدة كاملة عندك .. تسمي بالله مره ثانية .. و لا تشبك تلفونك باليو اس بي .. و طبعن برنامج الـ blackberry desktop ما يكون شغال .. و لا اي شي يخصه بالبلاكبيري شغال ..
    1 - تدش my computer .. عقب C: عقب program files عقب common files عقب research in motion عقب AppLoader و بتلاقي برنامج اسمه Loader تشغله و يطلعلك بهالشكل



    2 - تضغط next و عقب تشبك البلاكبيري بالكمبيوتر عن طريق وصلة اليو اس بي و تتريا الين يطلع البن نمبر مالك عالشاشة و تضغط نكست .. و تطلعلك هالوندو ..



    3 - عقب تختار اللغات اللي تباها و اكيد لا تنسى تضيف العربي .. البرامج اللي تباها .. تختار كل شي تباه .. و عقب تضغط next عقب راجع اللسته و شوف اذا كل شي تمام و اضغط finish و تريا الين التحميل يخلص ..
    و مبروك عليك العربي .. و انتبه تفصل الجهاز قبل لا تخلص التحميل .. و اذا استوت لك اي مشكلة و اخترب البلاكبيري اتبع نفس الطريقة .. اهم شي ان اللودر يتعرف على الجهاز من اليو اس بي و اذا ما تعرف حاول تشبكه بدون البطارية .. و اي مشكلة خبرني عسب نحلها ..

    اتمنى الشرح يكون وافي و كافي ..

    تحياتي ..

  6. #6
    الدعم الفني
    Frozen

    تاريخ التسجيل
    Jan 2004
    الدولة
    UAE
    العمر
    40
    المشاركات
    4,537
    معدل تقييم المستوى
    2


    افتراضي

    مشكور اخوي mashkalji شرح وافي وان شاء الله تنحل مشكلة الاخ رمساوي , بس يتبع الخطوات ويتأكد من اختيار اللغه العربية ,


    تحياتي

  7. #7
    مبدع
    تاريخ التسجيل
    Oct 2004
    المشاركات
    554
    معدل تقييم المستوى
    26


    افتراضي

    اقتباس المشاركة الأصلية كتبت بواسطة mashkalji مشاهدة المشاركة
    هلا أخوي .. بشرحلك كيف تركب سوفتوير عربي للجهاز .. و للامانه انا ما جربته على تلفون ما فيه عربي بس جربته على تلفوني يوم اخترب و كل شي رد طبيعي .. و اذا مب حاب تغامر رجع الجهاز للي باعك و قوله يركب اللغة العربية ..

    الطريقة ياخوي هي انك أول شي تسمي بالله .. و تتأكد ان عندك الاشياء التالية:
    1 - لازم كمبيوترك يكون نظام تشغيله وندوز .. اكس بي او فيستا ..
    2 - عندك الـ Blackberry Desktop Software مركب عالكمبيوتر .. اذا ما كان عندك بتلاقيه فواحد من السيديات اللي ويا التلفون او تقدر تحمل اخر نسخة للبرنامج من هالوصلة (و الافضل انك تحمل النسخة الأخيرة):
    http://na.blackberry.com/eng/services/desktop/

    يوم بتدش اضغط زر Download بتلاقيه عاليمين .. عقب بتييك لسته تختار منها BlackBerry Desktop Software v5.0 و تضغط next

    بتطلع لك وايد خيارات تحت .. طبعن تقدر تختار اللي تباه بس نصيحة مني خذ الاخف عسب يتحمل اسرع .. افضل واحد فيهم هذا
    و عقبها تضغط download و تحمل البرنامج و تسويله install و عقبها ريستارت للكمبيوتر و يكون الـ Blackberry Desktop Software مركب على كمبيوترك .. و يفضل انك تسوي باك اب للجهاز قبل لا تغير السوفتير اللي عليه .. 3 - لازم تحميل سوفتوير التلفون حسب البطاقة اللي راح تستخدمها اذا اتصالات او دو .. يمكن تلفونك يستوي locked و يمكن لا و اذا مب ناوي تركب بطاقة شركة ثانيه فماشي فرق .. دش هالصفحة و انزل تحت عند middle east و بتلاقي اتصالات و دو و باجي شركات الشرق الاوسط و اختار اللي يناسبك ..

    http://na.blackberry.com/eng/support...load_sites.jsp

    عقب بتييك لسته ثانية .. هالمرة اختار منها تلفونك يعني لو بولد اختار BlackBerry Bold (TM) 9000 smartphone و اضغط نكست ..

    بيطلعلك تحت اكثر عن سوفتوير للتلفون .. وكلهن شرات جيه
    اهم شي اهنيه هو الـ Software Platform: 4.0.0.223 و هاي اتييبها من تلفونك .. تدش على المنيو عقب options عقب about و بتلاقي ثالث سطر فيه نسخة سوفتوير التلفون و بين قوسين السوفتوير بلاتفورم .. اذا حصلت نفس بلاتفورم جهازك فالموقع حمله بالضغط على download و فالاغلب بتلاقيه لانه موحد .. و اذا ما حصلته و حاب تغامر حمل احدث سوفتوير .. و اذا مب حاب تغامر ارجع للي باعك .. بعد ما تعبي الفورم (مب لازم معلومات صحيحة) توكل على ربك و حمل السوفتوير فالمكان اللي تباه ..

    4 - وصلة اليو اس بي الاصلية .. و تكون حالتها اوكيه مب مقطعه او مكسور فيها شي ..
    بعد ما تكون العدة كاملة عندك .. تسمي بالله مره ثانية .. و لا تشبك تلفونك باليو اس بي .. و طبعن برنامج الـ blackberry desktop ما يكون شغال .. و لا اي شي يخصه بالبلاكبيري شغال ..
    1 - تدش my computer .. عقب C: عقب program files عقب common files عقب research in motion عقب AppLoader و بتلاقي برنامج اسمه Loader تشغله و يطلعلك بهالشكل



    2 - تضغط next و عقب تشبك البلاكبيري بالكمبيوتر عن طريق وصلة اليو اس بي و تتريا الين يطلع البن نمبر مالك عالشاشة و تضغط نكست .. و تطلعلك هالوندو ..



    3 - عقب تختار اللغات اللي تباها و اكيد لا تنسى تضيف العربي .. البرامج اللي تباها .. تختار كل شي تباه .. و عقب تضغط next عقب راجع اللسته و شوف اذا كل شي تمام و اضغط finish و تريا الين التحميل يخلص ..
    و مبروك عليك العربي .. و انتبه تفصل الجهاز قبل لا تخلص التحميل .. و اذا استوت لك اي مشكلة و اخترب البلاكبيري اتبع نفس الطريقة .. اهم شي ان اللودر يتعرف على الجهاز من اليو اس بي و اذا ما تعرف حاول تشبكه بدون البطارية .. و اي مشكلة خبرني عسب نحلها ..

    اتمنى الشرح يكون وافي و كافي ..

    تحياتي ..
    الف مليون مليار شكر اخوي مشكلجي (اسم على مسمى)على الشرح الوافي والجميل انا نزلت البرنامج من السي دي ما نفع ونزلت اللنك من اتصالات للسوفت الجديد واتبع الطريقة وبروحه قام يسوي اب ديت ومشى الحال والحمد لله وبديت اكتب عربي وبفتك من تعليق ومذلة الشباب وانا انقع لهم بالانجلش

    شاكر للجميع فردا فردا وكلاشن كلاشن

  8. #8
    مبدع
    تاريخ التسجيل
    Oct 2007
    المشاركات
    627
    معدل تقييم المستوى
    19


    افتراضي

    الحمدلله ان الطريقة نجحت وياك ..

    و اي شي ثاني ترانا حاضرين ..

    تحياتي ..

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

رسالة إدارية

لتصفح المنتدى بشكل اسرع الرجاء الضغط على السماح او Allow في الاعلى