Close
تسجيل الدخول الي حسابك

هل تحب تربي حيونات ؟ شاركنا بذكرياتك !!

السلاااام عليكم كييف الحال ياشعب المختلف ان شالله بخير ... انا من كمن اسبوع ماسدحت موضوع هنيه ... اكييد وحشتكم مواضيعي الفنانه >> ماخذ مقلب بعمري ادري ..

صفحة 1 من 14 12311 ... الأخيرةالأخيرة
النتائج 1 إلى 10 من 138

الموضوع: هل تحب تربي حيونات ؟ شاركنا بذكرياتك !!

  1. #1
    خبير

    تاريخ التسجيل
    Apr 2008
    الدولة
    AD
    المشاركات
    11,455
    معدل تقييم المستوى
    38


    افتراضي هل تحب تربي حيونات ؟ شاركنا بذكرياتك !!




    السلاااام عليكم

    كييف الحال ياشعب المختلف ان شالله بخير ... انا من كمن اسبوع ماسدحت موضوع هنيه ...
    اكييد وحشتكم مواضيعي الفنانه >> ماخذ مقلب بعمري ادري .. تربي حيونات شاركنا بذكرياتك aa_kashra.gif

    الموهييم على قوت رووح زايد .. موضوعنا هذي المره يا ياخواني بيكون عن الحيوانات .. !
    اللي انا فعلا مدمن عليهم احب كل انواع الحيوانات .. !!
    وعندي قصص وذكريات وايده وياهم .. ماخليت سمكه ولاسلحفاه ولاحتى ارنب ماجتلته ... !
    استويت مجرم وسفاح بسبت الحيوانات .. تربي حيونات شاركنا بذكرياتك aa_haa.gif

    بس علاقتي مع الحيوات للمتعه وللعب مش اكثر ولامره جربت اتعلق بحيوان .. !!
    الا هي مره وحده مع قطوو وصلني بيوم ميلادي لانه الجميع يعرف كيف احب الحيوانات بشكل مش طبيعي !
    والقطو سميته عبوود عاد ادري الاسم غبي اشوي و مب راكب على قطوو .. !!!
    بس ولد خالي الصغيرون اختاره فقلت عبود عبود مش مشكله مابطير الدنيا لو اسمه صار عبوود !

    عاد هذا القطوو عقب كمل سنتين تقريبا معايه و تعلقت فيه بشكلل فضييع !
    يمكن لاني عزوبي وفاضي ... اسميني دلعته دلع مال خبال كانه بني ادم !!!!
    الكل يهزبني ويقولي ماعندك سالفه وبطران .. بس والله اعتبرته مثل ولدي الصغيرون ههههههههه ... :cra:

    بس عاد يقولكم مره من المرات خذته الحديقه عساس يلعب مع شلت القطاو ربعه .. تربي حيونات شاركنا بذكرياتك biggrin.png
    مثل كل مره يعني وعادي اخليه مايشرد بعيد موول تخيلو !
    بس عاد هذي المره خليته وسرت وعقب يوم رجعت ماحصلته اسميني لفيت الحديقه لفف !!
    وماشي فايده عقب زقرت الشباب ولفينا صوب المنطقه يوم كامل !!
    ظلينا فاتحين جامة السياره ونزقر عبوود الكل يطالعنا مستغرب يقول شو سالفتهم هذيلا بالضبط ! تربي حيونات شاركنا بذكرياتك aa_eyes.gif
    وعقب عاد عطينا حارس الحديقه صورته و قتله اذا رجع وحصلته بعطيك مبغ وقدره .. مش لازم تعرفوون كم .. تربي حيونات شاركنا بذكرياتك shambehhx8.gif

    و ليومكم هذا مش محصلنه مادري هل هو مات ولاحد خطفه ولاكييف مع انه بالعاده مايشرد بعيد يعني اكيد حد شله .. !!!!!!!!
    قسم بالله دعيت على اللي خذه وماقصرت مابيدخل الجنه لو الله استجاب لدعائي .. ! تربي حيونات شاركنا بذكرياتك aa_mtkasr.gif


    المهم مابطول عليكم اكثر .. خبرونا الحين انتو شو من حيونات تحبون تربوون .. ؟!
    وشو من حيونات قدرتوو تربوون .. !!
    وخبرنا بعد مواقفكم وذكرياتكم وياهم سواء كانت مواقف مضحكه ولاحتى حزينه .. !
    وشو رايكم بعد بالناس اللي مثلي يعني يصرفون على الحيوانات هل هو شي عادي تشوفونه !!
    ولاهو فعلا بطره مثل مايقولون الشله التعبانه اللي عندي .. ! تربي حيونات شاركنا بذكرياتك aa_grrr2.gif

    ويالله هذا هوو الموضوع ان شالله يعجبكم ياقووم المختلف ... و السموحه على القصور ...




  2. #2
    خبير

    تاريخ التسجيل
    Feb 2007
    المشاركات
    11,132
    معدل تقييم المستوى
    41


    افتراضي

    أنا واحد ماأداني أربي حيوانات

    يمكن لاني ولا مره جربت هالشي

    بس أقولك مب قطو هاذا الي مسوله هالكثر

    مخلنه جنه ملاك

    خخخخخخخخ

  3. #3
    خبير

    تاريخ التسجيل
    Jun 2009
    الدولة
    Baniyas
    العمر
    23
    المشاركات
    2,209
    معدل تقييم المستوى
    18


    افتراضي

    انا خاطري اربي قطو بس البيت معارض يخافون حتى من اصغر الحيوانات

  4. #4
    خبير

    تاريخ التسجيل
    Feb 2010
    الدولة
    بلاد الاحرار
    المشاركات
    9,054
    معدل تقييم المستوى
    31


    افتراضي

    وعليكم السلام اخوي ::

    حاليآ لو يقطعوني مستحيل لرضى اربي حيوان لكن يوم كنت صغيره ربيت قطو وحبيته وااايد وكانوا اهلي يهزبوني عشانه بس كان مايهمني المهم عقب مليت منه تعرف الواحد وهو صغير بس فتره يتعلق في شي وعقب يمله فعطيناه ناس نعرفهم وبس ..

    حسستني ان قطوتك شيخه مب لهدرجه الواحد يهتم بالحيوانات ،،

    مشكوور اخوي ع الموضوع ..

  5. #5
    خبير

    تاريخ التسجيل
    Mar 2008
    الدولة
    الإمارات العربية المتحـدة
    المشاركات
    4,622
    معدل تقييم المستوى
    25


    افتراضي

    مرحبــاا

    أذكر مرة كان عندنا متـو صغير وهالمتو دوم كان يحطونه برع
    فأنا يوم أرد الفليل وهالكلام أيام الشتا والبرد أشفق عليه وأحطه
    في المطبخ عساس انه داخل الجوي شويه دافي ماعرفت انه يمكن
    يختنق ويمــوت داخل

    شكراً ع الطرح

  6. #6
    خبير

    تاريخ التسجيل
    Oct 2008
    الدولة
    دآرٍ وليفي سكنهآ
    العمر
    5
    المشاركات
    12,895
    معدل تقييم المستوى
    40


    افتراضي

    كيفوو سواف!!

    حلو الواحد يربي حيوانات ويهتم فيهن ع الاقل بينشغل في شي

    ما اذكر حصلت مواقف او من هالقبيل لاني نادر ما اتعلق في حيوواون’’’بس كانت ويايه قطوة كانت تعشقني لحد الجنون خخخخخخخخخخخخخخخخخ متعلقه فيني بشكل موب طبيعي’’’والله اني من ادش الحمام الله يعزكم احصلها
    برع تترياني ولكــــــــــــــن في يوم من الايام شلوها الاهل وعقوها في مكان استحاله انها ترد للبيت,,,

    ولكن تفاجآت انها ردت لي بعد ثلاث ايام من العناء والتعب وكيفية ايجادها للبيت وهكذا:blu: وانما بعد مرور شهر كاااااااااااااامل خذوها الاهل وهم في طريجهم لدبي خخخخخخخخخخخخخخخخخ اونه شو ماذيتنهم’’’

    بس جد اشتقتلها خااصه اياااام المطر ’’’’اذكر في مره كان الرعد والمطر يضرب بالقو الساعه 3 الفير وانا وحليلي سايره اركض ابغي اطالع وهيه يايه من برع وجان يستوي تصااادم فزت القطوه من الروعه

    هههههههههههههههههههههههههههههههههههه

    يسلموو ع الموضوع ذكرتني

  7. #7
    خبير

    تاريخ التسجيل
    Oct 2009
    الدولة
    مكـان غيـر معـروف ..
    المشاركات
    3,442
    معدل تقييم المستوى
    19


    افتراضي

    ما قد ربيت حيوانات

    ولا فكرت أني أربي

    باختصار ما أداني الحيوانات بأنواعهاااا...

  8. #8
    عضو شرف
    تاريخ التسجيل
    May 2004
    الدولة
    القـــطــــاره
    المشاركات
    6,850
    معدل تقييم المستوى
    37


    افتراضي

    حيا الله مفنود :to:

    بالنسبة للحيوانات انا من النوع اللي يحب الكاسكو احيد من زمان كان عندي اثنينه واحد كاسكو

    والثاني الاخضر العادي اللي ما يرمس

    وكلهن ماتن بحوادث

    الاخضر مات في يوم كان مهب ومطر وسكر باب المطبخ على رقبته وانكسرت وكان مشهد مأساوي

    صراحه

    اما الكاسكو فكان رغيد ما يخلي بقعه في البيت ولا بيوت اليران ومرة الحبيب يتمشى

    جدام الباب الصبح ويريوس عليه الشيبه ويدوسه

    وماااات ؟؟؟

    لا يتريااك يا الصعيدي :lool:

    بس بس صراحه الاخضر غمضني وصحت عليه اكثر عن الكاسكو

    اشتريت كاسكو ثاني وكان اسمه مطووورر وتم فتره عندي تعودنا عليه وعلى ازعاجه

    وكنت افجه واخليه يمشي في البيت عادي وفي يوم من الايام نشيت الصبح ما حصلته سالت الخدامه

    وينووه قالت كنت اسبحه ودخلت المطبخ خمس دقايق وطلعت ما حصلته :bli:

    غريبه وين سار وفرضا لو شي هجم عليه انا اعرفه ما يسكت يتم يصارخ وعلى الاقل بنحصل اثر

    له ريش ولا اي شي بس اختفى وانا اشك انها باعته بس شو اسويبها ..

    الحين افكر اخذ واحد ثاني فاللي عنده ويبا يبيع يخبرني

  9. #9
    عضو متقدم
    تاريخ التسجيل
    Dec 2009
    الدولة
    ad
    المشاركات
    307
    معدل تقييم المستوى
    13


    افتراضي

    مرحبا سيف الوحداوي
    يتني فترة أدمنة عالمتوا الاخضر
    يعني تقريبا حول 3سنين

    كمن واحد يابتلي الحرمة ويابت واوحدمن بيت هلها واحد رغيد
    تصدق مايداني الرياييل بس من يشوف الحرمة يربع صوبها
    قلت والله لاربيك خليته ويالباجيات واحد منهم الصغير
    بدا يتكلم هايبته لوتذكر قبل سالفة أنلفونزا الطيور من الميناء
    والحرمة تراعية شر الياهل حليب وسرلاك‘‘
    المهم ها الي طلع فية خير ورمس بس شوة كمن كلمة السلام عليكم
    حمود ويتم يصفر وحشرة بس كنت مستانس عليهم المهم
    في يوم ها الرغيد مال الحريم
    تميت ابا العب وياه شمخني خلي ايدي مشخلة
    وجان اصفقة من الغيضة على زاوية المكتب
    ياريل جان يصب دمان طالعتة تصدق أنجلعت عينة
    عورني قلبي ماتمت عيادة بيطرية مارحتلهم
    نضفوه وعطوني دوا وجية تميت أحاتية كمل كمن يوم بس
    من حصل فرصة شرد جدام عيني
    صوب بيت الييران وتخشش في السكيك
    ولا شفت غبارة
    ومن هاك اليوم خليت الحرمة تشلهم بيت هلها.
    وسلمت عالموضوع

  10. #10
    خبير

    تاريخ التسجيل
    Jun 2009
    الدولة
    فوق آلنخل
    المشاركات
    1,214
    معدل تقييم المستوى
    16


    افتراضي

    ع العوووق !

    صايرة اموت في شي اسمه كائنات أليفة
    ومسوية مجموعة خاصة كاتبة عنهم في مدونتي [ هنا ]


    و واايد مواقف اتصير وياهم
    خصوصا ويا اختيه الصغيرة ،


    هالبنت عمرها 5 سنين ، لكن ما شااءالله عليها ! ..
    اجرام لا صار ولا استوى


    مثلا، وحدة من السمج كانت دوم حاطتنها في بالها
    اشمعنى هاي مادري !

    تستغل الفرصة يوم محد يشوفها ، تشل السمجة وتحطها في cover المخدة !
    وتتحوط فيها فالبيت ، بس جي مزاج !

    اكثر من مرة سوت فيها هالحركة ، والحق عالمسكينة في آخر لحظة

    لين آخر شي شلتها مرة و دفنتها فالتراب و السمجة حية !
    لين لفظت أنفاسها الاخيرة





    وعقب يبت كمية ثانية سمج ، وصار شكل الحوض فنان و السمج فيه
    والاخت الا تأكلهم ، وانا ما اخليها ، عقاااب ع اللي سوته فالسمجة المسكينة


    غافلتني وشلت العلبة مال الاكل ، وصبتها كلـــها في الحوض !
    مادري شو اللي خلاني اروح اطالعهم هاييج اللحظة ،، حصلتهم محتفلين و ياكلون من خاااطر

    على قولة حرمة اخوي ، يتحسبونه الكرسمس خخخخخخ

    طلعتهم بسرعة ، وثاني يوم كانت وراي مهمة تنظيف كسرت ظهري








    والسلاحف،
    تسمعني يوم اقول هاييل وصخين ، تعبت وانا انظف .. الخ
    جان تروح الأخت وتصب لهم صابون [ تايد ] في الحوض مالهم
    اونه برايهم بيتسبحون وبينظفون




    و الطيور ،
    وايد كاسرين خاطرها !
    اونه لييييييييش انتي تحبسينهم في قفص !
    هاييل لازم يطيرون برا ، ولازم يعيشون بروحهم ما تحبسينهم


    ومرة من المرات تسلطت عليهم ، وبطلت الباب مال القفص
    وجان تطير سوكو ،
    وشو ما ينط قطو وياكلها في لحظتها !

    يوم ييت حصلته يالس يتلذذ ويتريا العصفور الثاني يطلع
    عاد دوروني من الغميضة هاك اليوم





    سوالفها وياهم وااااااايد ،
    الحين صرت احطهم كلهم فالحجرة و اسكر الباب بالمفتاح يوم اطلع منها ، حتى لو بس رايحة المطبخ
    مافيني ارد واحصل حد منهم ميت


صفحة 1 من 14 12311 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71